行山露營等戶外裝備花多眼亂，價錢差距甚大。要點樣揀選適合裝備，可以依從呢5大原則:
1. 夠實用
一件裝備，就算靚到驚天動地，有千萬個用途，不過喺實戰時完全用唔著，咁買咗都係無用。
2. 輕便
輕裝上陣令你走嘅路可以更遠，去嘅地方可以更多。所以如果每件裝備夠輕巧，能夠大大減輕整體行李重量。
----- 廣告 Ad -----
3. 小巧
輕便之餘，都要夠細。令戶外行進時更加方便。
4. 多用途
每件裝備如果有種用途，就可以帶少啲嘢。好似露營爐具如果可以照明，雨褸又可以保暖嘅話，就令裝 備數目大大減少。
5. 耐用
山頭野嶺往往叫天不認，萬一所帶裝備突然損壞，會令活動樂趣大打折扣。大家諗諗，紥好晒營先發現爐頭壞咗，或者上到高山背囊斷帶，會係幾狼狽?
資料: 《山藝讀本》
Fitz 編輯部
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。