全港共有163個燒烤地點及41個露營地點，屬於漁護署管轄。自2020年7月以來，政府為減少公眾社交接觸，燒烤場同露營地點全面關閉，開放無期。
根據《明報》報道，由2020年7月15日至11月13日，署方已巡查相關設施共48,015次，發出4984次口頭勸喻及警告，並向24名非法進入該等地點人士採取執法行動。所以，大家千祈唔好抱住僥倖心態，以為郊野偏遠犯法無人知。
而今年農曆新年，漁護署亦高調宣傳佢哋嘅執法行動，話檢控咗24名違例露營人士。
【🚫唔好喺郊野公園露營或生火】
提提大家，郊野公園燒烤及露營地點繼續暫停開放。我哋今日巡查郊野公園期間，向24名違例露營人士採取執法行動，包括向當中13名違反限聚令嘅人士發出定額罰款通知書。感謝大部分郊遊人士合作，但係為確保公眾健康，我…
Posted by 郊野公園教育活動計劃 Country Parks Education Programmes on Sunday, February 14, 2021
提醒大家，於郊野公園非指定地點露營，最高可被罰款$2000並監禁3個月。而喺郊野公園非指定地點生火，最高罰款$25,000及監禁一年。被檢控者並唔係違泊抄牌收告票交罰款咁簡單，係要上法庭認罪呀。
Fitz 編輯部
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。