[JoyeeWalker行山系列] 4分鐘行完 嘆・宏偉地貌《破邊洲》

路線特色 :
路線特色 : 嘆・宏偉地貌，沿路不斷感嘆大自然鬼斧神功之力。
沿途環境一絕，大部份時間都有一望無際既海景。更有多個沙灘及石灘遊玩。
唯難度頗高，分支路亦多，緊記盡量著長褲以防長草樹枝刮腳。

宜：＃影靚相，＃影山景，＃沙灘愛好者，＃三五知己，＃一班麻甩佬
忌：＃行山初哥，＃身體唔靈活之人，＃路痴

破邊洲 之 純文字攻略：

• 西貢市集合，再搭的士到萬宜東壩藍色紀念石落車，正式出發！
• 約1分鐘：係藍色紀念石旁邊屋仔隔離既樓梯出發。
• 約5分鐘：無路牌，左轉行多幾步可以回望萬宜東壩，右轉前往破邊洲。
• 約1小時：無路牌，一個類似迴旋處的叉路，左轉前往破邊洲。（你會在出發不久後便能眺望破邊洲，總之就一路向住破邊洲方向走）
• 約1小時25分鐘：到達今次行程最接近破邊洲的景點－十字架。
• 約2小時15分鐘：離開十字架。
• 約2小時25分鐘：去番岩岩個“迴旋處“，今次左轉，行多幾步就會見到左面有條小斜路直落檢豬灣。
• 約3小時5分鐘：上左一小段山來到一個分叉，右轉上山會去到花山，直走向下前往七重石灘，請直走。
• 由3小時5分鐘去到4小時5分鐘：中間會有幾條上路向左落去或向右上山，此時只需緊記一個大方向，沿住山脈既山腰一路向前走，直至見到七重石灘係你左邊先落去。
• 約4小時25分鐘：離開七重石灘，由灘後草叢上山。
• 約4小時45分鐘：落番小山坡，會見到有個秋千，左轉前往白腊灘，右轉前往白腊灣，建議可先左轉睇一睇白腊灘。
• 約5小時：離開白腊灘，去番岩岩個分叉路直走前往白腊灣。
• 約5小時10分鐘：穿過一大片草地後，到達石屎行人路左轉前往白腊灣。
• 約5小時12分鐘：到達白腊灣。
• 約6小時5分鐘：離開白腊灣。
• 約6小時10分鐘：見到有分叉路，右轉離開石屎路。
• 約6小時25分鐘：到達萬宜路！可以搵的士回家了！

Joyee Walker Facebook專頁

JoyeeWalker Youtube頻道

更多：
Fitz.hk Facebook專頁
[JoyeeWalker行山系列] 3分鐘行完 綠・青青草地《昂平草原》
[JoyeeWalker行山系列] 3分鐘行完 易行景靚《龍脊》
[JoyeeWalker行山系列] 4分鐘行完 景色開揚 《大刀屻》
[JoyeeWalker行山系列] 6分鐘行完《大浪西灣》
Fitz Hiking 行山