[Lantau 27] 鳳凰山的雲海

剛過去週末去咗玩 HK50 的 Lantau27，今年是第二年參加，去年同班朋友一齊玩，可惜當時自己抱住郊遊心態，DQ咗，因此今年一雪前恥。

先交代下路線，比賽由東涌文東路公園起步，沿昂坪救援徑上鳳凰山落返伯公㘭，再上大東山，最後回到公園完，全長27公里，(1922 elevation gain & 2032 elevation loss)(Max elev 934m)。

(按圖放大)

比賽當天，天氣不俗，沿途有風，不會太熱，行過這條路線的山友都知道唔係易野，由䀚坪上鳳凰山，級級都成尺高，直上到九百幾米，行行下先知原來毅行兩星期後都未完全回復返唒，都有少少腳隻軟，好在有兩碌竹，上吓上吓，上到山頂，上到山頂特別要分享的是個景：「鳳凰山的雲海」，好開心兩年的參與，同一位置都影到雲海，望住個景真的有種苦盡甘來，一切都值得的感覺！就算第二年睇，都係覺得咁壯觀，咁宏偉，絕非一言一語能形容，不禁都停低一陣，影張靚相，不論睇不同的博客定相，呢個景我覺得都係要親身體驗先至正！加上可能係行上去，辛苦完，才會感受到嗰種壯觀！

2015年

----- 廣告 Ad -----

2016年

當睇完啲相，影到張靚相確實係幾開心，但都要知道張相背後，係要先上鳳凰山，我都會話唔少料，因此奉勸各山友量力而為。

最後，今次比賽用咗7小時25分鐘完成，都係嗰句，志在參與，樂在其中！開心！好玩！

Conrad Mo

Conrad Mo，28歲一個熱愛運動的小伙子，機緣巧合下，係朋友催谷下由3k都跑唔到至到2015完成咗雷利的人，隨後亦愛上左不同類形的運動，跑山，獨木舟，游水，單車，會閒時參加不同類型的比賽，志在參與，樂在其中。