真係一日唔死，一日都有新發現。夠膽講每一次風雲變色的大帽山，都充滿住驚喜，係山友嘅份子料理。
出發前小插曲，有人由大埔出發過嚟，結果坐咗去羅湖 (先發現?)，已經係聞所未聞。即係約你去睇北極光，但佢去咗北極點蠟燭。佢癲到不斷咀咒自己食X。
正式上針山前，喺無約定情況下，遇上hei少同佢地雷利隊輪輪同輝輝。
然後 Willy Wong 首任獨行俠，中午崇拜前遙距同醫生確認路線，YOU WILL NEVER WALK ALONE，我地要下晝出發，非常驚喜地到針山頂就見佢喺大帽山波波，遙遠送上祝賀。
----- 廣告 Ad -----
針山頂如果唔係開始落雨，我地睇唔到漁火閃閃歐瑞強，城門水塘泛起閃光。
草山底，識到新朋友，嗰頭因為 couchsurfing 嘅行山組團而諗緊，係咪逢星期六搞個常設旅客行山團，咁就遇著個工人姐姐，佢全程都行得好貼，開頭估緊佢係咪今年毅行者，點知佢第一句開口就問「where is the end point?」
然後我地學識咗，鉛礦坳係 Lead Mine Pass，原來鉛礦坳真係有人採鉛架，百幾年前。
世界如果有兩條路，我永遠都點你行上山嗰條路，結果阿JHOY 同我地行到蓮姐嗰度。原來佢係一個星期日唔想同姐姐們坐地撻，反而唯世獨立地與麥理浩有個約會嘅人，我地已經約咗將來一齊行，而大帽山上佢邊影相邊帶頭，真係無得輸。
----- 廣告 Ad -----
然後今次來自台灣的暖男 Harry，連牛牛的心都溫暖到，神奇頂級超卓，我喺大帽山大小二便多年都未見過，以為自己拍緊國家地理雜誌，而背景音樂係不了情。
上山，當時天色係天空被雲層分成一半，山下的人只知天空灰濛濛，卻不知青天在上，陽光普照。聽緊蕭敬騰版本的《記念》。
「想念變成一條線／在時間裡面蔓延／長得可以把世界切成了兩個面／他在春天那一邊／妳的秋天剛落葉」
上到大帽山，牛牛就收成鬥牛，睇住一隻牛牛喺牛群中用頭頂住人地個肚，然後佢地兩個就私片起嚟，唔快d閃會俾佢地撞低。
未到最後石屎路前，就嚟九十度斜角劈落身度嘅狂風暴風，五分鐘快速沖涼，慳水亦足夠我地濕哂，大嗌咗一句「主呀、救我」，風雨稍息。
最後，就係因為天氣變幻莫測而一架車都唔使避嘅大斜路，仲有大帽山上的全清景，係以迪士尼放細粒煙花作結。唔使俾錢入場睇。仲有人問咁維港放煙花，大帽山睇唔睇到架呢?
有無人識答。
更多：
Fitz Facebook專頁
山友食飯的九型人格
[獅子山精神隊] 挑戰黑暗恐懼
[獅子山精神隊] 對不起，隊友們，我要變魔鬼了
[獅子山精神隊] 行毅行，起步之初
[獅子山精神隊] 37度下 新丁打大佬
[獅子山精神隊] 毅行開操 在西貢37度的一天出發之十八死士
[樂施毅行者2017] Fitz x 獅子山精神隊
Fitz Hiking 行山
----- 廣告 Ad -----
