恭喜Team Fitz，以29小時55分完成100公里樂毅行者。嗰100公里佢哋有咩故事有咩分享，就等佢哋自己講啦。而呢個時候，就講下4個法寶畀人回復身體狀態：
1. 粗鹽
唔係咩生理鹽水咩醫療嘢，只係喺街市或超級市場買嘅粗鹽，將佢成份倒晒落浴缸或水桶，再浸腳或者成個人浸落去，據講會可以消除肌肉痛。
2. 冰
冰敷可以減輕肌肉痛楚，甚至幫助扭傷的醫治。
3. 枕頭
呢個有少少醫學根據，因為行山(或企得耐) 會將血液積晒落腳，所以瞓覺時用枕頭墊高雙腳，就有助血液回流返去全身，有助回復身體狀態。而且，將枕頭放喺小腿，亦可避免瞓覺時壓到腳踭，有助加速腳板回復能力。
----- 廣告 Ad -----
4. 飯
運動前要加碳，運動後更應食多啲去回復體力。當然，唔係剩係食飯，總之飲食均衡啦。
更多：
毅行者@Fitz.hk
Fitz Hiking 行山
山雞
十歲登上魔鬼山，二十歲游走大帽大東鳳凰釣魚翁大刀屻。志願有二：生個仔要叫阿山；登上喜馬拉雅山，掛上真普選直幡。