蓮花殺到，當大家研究颱風路向嘅同時，上行山群組，竟然仲有行山友組團，話呢兩日想去行山喎。佢仲話：「如果無人一齊，我都會自己一個上山，反正我平時都係一個人行……」
唉，我既然自認出名細膽，大家都估到我嘅諗法。不過講無謂，數字最實際，西方諺語話「Data don’t lie」，古語又有云「Old news is so ex西亭」，我就只係搵到幾年前嘅數字：
明報2010年7月《直升機拯救 兩成非緊急 獨自行山不理天氣 違安全原則遇險個案多》報導指，民安隊09年攀山拯救共有54宗，其中57%涉及迷路同失踪，而有三份一屬獨自行山嘅人，而報道仲話：「部分行山者連行山地圖或指南針的基本裝備也沒帶，最終因迷途而求救。有獨行行山客疑因臨時改動行山路線致增加拯救難度，曾有獨自行山者出發前向家人聲稱到獅子山攀山，但電訊公司卻偵測到該行山者的電話信號最後出現在港島大潭，救援人員其後雖在兩地搜索，仍是音訊全無…」
講咁多，都係想講行山係屬於危險活動，你要顧及自己安全嘅同時，亦唔好要救援人員冒險。最明顯嘅係，咪以為call直升機無乜大不大，其實每次直升機出動，都有一風險，而且萬一救護人員要游繩下降搵人/救人嘅時候，所冒風險更加大。（可參考電影《黑鷹15小時》，連美軍特種部隊坐直升機都有咁多意外。）
----- 廣告 Ad -----
所以，唔好以為三號風球要返工要返學，都等於安全可以上山下海，山野嘅情況同你行商場簡直係兩回事。
記得有年喺台灣遇正打風，電視新聞不斷播出政府宣傳短片，叫人唔好出街，唔好去海邊，唔好上山。而最緊要嘅，政府開宗明義話：「邊個要搞到救援人員出動，市政府要徵收佢每人五十萬台幣！」50萬台幣，即係12萬港紙！唔知我們特衰政府出呢招，又可唔可以阻止啲人唔睇天氣走去行山呢？（唉，到時隨時有人話呢個政策等於唔畀窮人行山，要政府動用關愛基金……）
呢啲小朋友，打風去海邊玩，有咩事要救援人員冒險救你架！
更多：
[著牛仔褲行山] 少年，你太輕狂了!
[咁都拗] 行山用水袋定水樽?
水多人不怪? 行山帶水有學問
山雞其他文章
Fitz Hiking 行山
