大刀屻呢個名應該好多人都聽過，係觀音山同雞公嶺中間，因為外形似刀刃，兩邊都係懸崖，好多人都以為好難行唔敢去。但行過一次之後，就會知道其實唔難，只不過係無盡既樓梯同行極都好似未行完咁。
大刀屻山脊險峻
大刀屻我自己行過2次，第1次行係冬天得10度左右仲要好大風好大雨，第2次係夏天雖然都有小小風，但係成30度真係好焗，仲要不停落雨，兩次天氣都麻麻所以大部份相都係用電話求期影。不過建議女仔唔好學我自己一個人去，因為我呢兩次行大刀屻由上山到落山係一個行山人士都見唔到，特別我第1次行既時候成2點30先出發，落山時已經開始天黑，其實條路都幾恐怖。
烏雲密佈
山徑唔算難行
----- 廣告 Ad -----
(編按：以下路線係由林錦公路為起點)
去大刀屻好簡單，元朗/大埔搭64k巴士係嘉道理農場落車。然後見到呢個郵箱就行入去，沿住條路一直行好快就見到路牌，仲會見到一個漁護署嘅警告牌。
呢度入去
官方時間4小時
唔好睇小呢d警告牌，大刀屻大風大雨既時候都幾恐怖下
----- 廣告 Ad -----
之後一路都係不停咁行樓梯上，某D梯級都幾高下，女仔可能要用多D力先上到，好快就會見到一個懸崖危險既牌，繼續行景觀就慢慢開揚，回頭望仲會見到大帽山同觀音山。
D梯級都幾高下
回望觀音山及大帽山
慢慢行到去山脊，就睇到前面又上又落既山脊，左邊望到雞公嶺同錦田一帶，右邊就望到林村、大埔。
望住宏偉既雞公嶺
錦田、米埔一帶
大埔景色
夏天揹住相機腳架鏡頭2L水都唔野小
突然行到去某個位就會見一個v形既位，見到應該會好氣餒，咁辛苦上到咁高，又要沿住樓梯落返去，再上返黎。過左v形位，就會見到大刀屻聞名既鐵鍊，條路突然變到好窄，仲有好多石頭，睇落好危險，但其實小心d就冇事。
----- 廣告 Ad -----
回望大帽山已經入左雲
無盡天梯
繼續前行就見到大刀屻既標高柱(566米)，稍微休息下就繼續出發，又上又落會行入森林，我第2次行既時候，被不知名昆蟲襲擊，跑左成1k先走得甩，跑完１k再行多陣好快就會到達北大刀屻標高柱(480米)，黎到呢個位就代表都已經行左一大半路程。
大刀屻
北大刀屻
繼續行，清楚望到大埔及吐露港
繼續前行會行入密林，跟住指示牌去粉嶺火車站，路徑變做石屎路，經過箕勒仔去到一個觀景台，向前行仲會見到一個唔起眼既標高處，踏入蝴蝶山徑，沿住石屎樓梯一直落，經過涼亭、兒童遊樂場，之後見到石屎斜路繼續行，好快就會到達終點－粉嶺蓬瀛仙館。
已完成3分之2路程
係呢度見到斬樹黨，嚇死我即刻跑
到達終點!
整體黎講，大刀屻真係唔難行，但出發前請先評估自身體力、裝備、經驗及天氣。
----- 廣告 Ad -----
更多：
Fitz.hk Facebook專頁
[每個人心中有座山] 香港之巔大帽山
[行完食餐好] 5大海鮮團行山路線
[全港郊遊渡輪班次] 行山郊遊唔少得 (下)
Fitz Hiking 行山
