[短途精華遊] 4條2小時限定行山路線 鹿頸 屯門徑 山頂 望夫石

其實香港唔少地區都有自家行山徑，要行遠途都唔使跨區。圖為屯門徑入口。

呢4條短途行山徑，全部需時兩小時以內，而且路況良好，係周末郊遊好去處。

最佳濕地: 鹿頸 > 谷埔

起點：鹿頸 (粉嶺MTR搭小巴56K)
途經：鹿頸、鳳坑、谷埔 (谷埔回頭折返)
距離：5公里 (來回10公里)
需時：2小時 (來回)
亮點：香港東北最佳濕地，中途站鳳坑有美味豆腐花

鹿頸海岸，對面就係深圳

最地道: 屯門徑

起點：屯門新墟何福堂中學側 (即麥理浩徑終點)
途經：屯門徑二段、行者池、藍地水塘
距離：5公里
需時：1.5小時
亮點：藍地水塘以及上游水池風景優美 (雨季不宜落水玩)，終點可定於藍地，有季季紅酒家，屬米芝蓮一星食肆。

注意: Goolge地圖到藍地水塘顯示為沒有路。但實情是，到水塘後，可橫過水壩落樓梯，到達石礦場。出石礦場可接福亨村路，最後到達藍地大街，搭輕鐵走人。

藍地水塘

最方便: 中環 > 山頂

起點：中環 (上環亦可)
途經：中上環半山、龍虎山郊野公園
距離：4.6公里
需時：1.5小時
亮點：一半路程係城市街道，安全、方便。

山頂夏力道

最有代表: 慈雲山 > 望夫山 > 紅梅谷

起點：慈雲山法藏寺
途經：沙田坳道、望夫石
距離：4公里
需時：1.5小時
亮點：雖然話路短，但一啲都唔hea。望夫石代表了沙田，無論係咪沙田友都值得一到。

望夫石離遠望就望得多，近睇嘅機會真係唔多

行山抗疫注意事項

• 疫情嚴峻，乘搭公共交通工具也是播毒的途徑。想郊遊避疫，可先考慮屋企附近山徑，以免令公共交通工具太避人。
• 自己垃圾自己拎，拎到市區丟，以免污染郊野。 (特別係口罩要小心處理)
• 出行前先做好準備: 規劃好行程路線，帶備足夠裝備及補給，通知身邊親友路線及返家時間。
• 量力而為，切勿逞強。