時代進步，約人去街或行山都唔使逐個電話打，不過，唔計嗰啲沉默大多數，最怕就係聽到呢啲回覆：
- 好想去呀 (即係去定唔去？)
- 嗰晚約咗人，中途有無人陪我走？ (行山係集體活動，你要早退就自己搵人陪你)
- 我N年未行過山，行唔行到？ (點知你狀態……)
- 到時會唔會落雨？ (約得你即係預計可以起行啦，況且天文台有9日天氣預告，自己可以check…..)
- 可唔可以晏啲出發？ (大多數行山活動組織者，已經計好晒活動時間，晏啲出發未必可以完成計劃行程。)
- 可唔可以改行XXX？(本身已經plan好咗先約，唔好咁啦…)
- 真係好想嚟，不過未買行山鞋/行山褲/背囊……(有心去點會買唔切？)
- 👌、👍🏽、😬、🙏、💪、👏🏻、🙌🏻、😅……(去就一個字，唔去就兩個，究竟想講乜？)’
相信每位組織過行山活動嘅朋友，都遇過以上模棱兩可嘅回覆，山雞最怕嘅就係，朋友答完「好想去呀」，之後一直唔應機，點知到活動當日朝早又忽然話出席，最後仲要遲到，搞到成班人等佢一個之餘，仲打亂晒成日行程。
唉，幾friend都係咁話，真係無下次。各位「領隊」加油！
更多：
Fitz.hk Facebook專頁
[郁民教室] 10大秋冬行山宜忌
[秋天限定] 7大賞草好去處
返工除咗搭車，重可以跨過座山返!
Fitz Hiking 行山
----- 廣告 Ad -----
山雞
十歲登上魔鬼山，二十歲游走大帽大東鳳凰釣魚翁大刀屻。志願有二：生個仔要叫阿山；登上喜馬拉雅山，掛上真普選直幡。