每年嘅北京馬拉松,參加者都要喺空氣污染之下競走。
每年嘅北京馬拉松,參加者都要喺空氣污染之下比賽。

未有《環球時報》之前,最應該要睇嘅指導性刊物,一定係《人民日報》(#曲線要講明)。呢兩日,《人民日報》竟然有評論文章,批評而家國內嘅長跑比賽泛濫。

文章引述中國田徑協會嘅資料,話2010至2015年嘅五年之間,國內馬拉松比賽由每年13場,增加到134場,增幅達10倍。《人民日報》評論員認為,擴張得咁快,絕對會令比賽嘅質素良莠不齊,因為佢哋認為「舉辦馬拉松賽事是一項需要動用諸多社會資源的系統工程,成熟的運營體系、成熟的社會管理都是加分項目。在這些方面,我國舉辦馬拉松賽能夠借力的資源還相對有限。」

由於比賽嘅數量快速增長,變咗比賽都出現供過於求。除咗某些重要賽事出現爭崩頭情況,唔少小型賽事連搵人參加都難,變成「多餘賽事」。

《人民日報》對於國內跑界嘅評論,其實出奇地「貼地」。單睇我哋嘅郁民,由台灣旅居大陸嘅Bob Chen參加嘅比賽,中伏嘅佔大多數(剩係黃山嘅「自助超馬」已經嚇死人)。似乎,要喺國內參加一場「正正常常」嘅比賽,真係要講下運氣!

進入未知的山裡去了
舉辦馬拉松可吸引更多遊客,所以唔少旅遊區都提廣呢項活動。 (圖為黃山越野馬拉松,來源: Bob Chen)
北京鳳凰嶺越野賽,15K唯一一個補給站只剩冰水...
北京鳳凰嶺越野賽,15K唯一一個補給站只剩冰水…  (圖: Bob Chen)

更多:
Fitz.hk Facebook專頁
[撒哈拉超馬] 第四日: 82公里長征 (下)
跑步.行禮如儀的背後
Fitz Running 跑步

家聯
為何要運動?去公園看看那些四五歲的小朋友,從跑跑跳跳所得來的喜悅吧!勿忘初衷,運動會令人快樂,難道我們都忘記嗎?