網上改圖
超強颱風山竹將威脅本港，天文台罕有地預早發出警告，話考慮星期五晚 (9月14日) 發出一號風球。如果係咁，就會打破最遠發出一號風球嘅紀錄。
按照預測，山竹會在周日 (9月16日) 最接近香港，所以呢個星期六日，大家嘅戶外活動相信一定要改期。而呢個星期一共有最少5場比賽，分別喺星期六及星期日起步:
| 09.15 | AVOHK 5k Series Wan Chai | 路跑 | 5km | 灣仔峽公園 |
| 09.15 | The Green Race Immortals | 越野跑 | 5, 15, 30k | 大埔 |
| 09.15 | 7-Eleven Party Run | 路跑 | 5km | 科學園 |
| 09.16 | TAILWIND 越野追逐賽 | 越野跑 | 16km | 城門水塘 |
| 09.16 | Brigade Run 愛跑．革命 | 路跑 | 1,4.3,10km | 科學園 |
當然，山竹未到，仍未知天氣情況點樣。一切都視乎當時情況，以及主辦大會嘅安排。而作為參加者，喺颱台威脅下，大家參加比賽時就要留意以下事項
----- 廣告 Ad -----
香港天文台預測路徑
颱風威脅下比賽注意事項
- 預早了解比賽取消流程。一般在比賽規則之中，列明喺咩情況之下會取消比賽 (如黑雨、八號風球)。選手亦要清楚，主辦大會用咩方法去發放消息，可以係電郵、電話，或者 Facebook、網頁等。
- 比賽前一晚或數小時，留意電郵、比賽 Facebook 等消息。確認比賽如常舉行，先至出門參賽。
- 就算比賽如常舉行，無論在家中定係去到比賽場地，甚至乎比賽途中，如果你覺得天氣情況唔許可，亦唔好勉強比賽。搵個安全地方暫避，小心為上呀!
- 若打算參賽，記得喺行李放多套乾淨衣服，以及禦寒風褸。風大嘅話，吹到應都幾凍。
- 若果比賽取消，留意大會嘅安排。會唔會改期作賽，或者退番報名費。不過呢方面唔使急住問，呢個時間主辦大會通常多嘢做到爆，過兩日先問，無謂加重人哋嘅工作量啦。
比賽喺死，人係生。所以大家記住，就算比賽繼續舉行，如果你覺得危險，千祈唔好落場!
比賽多的是，呢次無得跑，咪等下一次囉!
Fitz連結: https://fitz.hk/?p=102962
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
