戰友，一路好走!

我的戰友

亞霍相信，任何一個跑友都有陪伴在側的好戰友。

亞霍望望相識多時的戰友，見戰友臉色發黃; 面有難色，再撫摸他周身骨骼，只見他傷痕累累。

問道: 你怎麼了?

戰友: 你見啦，我好唔掂，相信不能陪伴你多久了。

亞霍默言無聲。

甩骨的戰友

戰友: 你唔使唔開心噃，自從第一天與你相識結伴，我就預咗有這一天喎。

亞霍: 我知，我明，不過……

戰友: 不過甚麼，這個是我的命運啊。

戰友續道: 我好開心喎，能夠同你一起南征北戰。尤其──比較你以前的戰友，是唯一能夠於短短數星期內同你完成兩個馬拉松的緊密戰友。仲有一次是離港往外跑呀!

與跑友上山

與戰友下海

亞霍想想: 係噃，係噃。我們又一齊跑過麥徑、逢星期天與其他跑友一起的練習，又上山、又下海的，幾開心呀。

戰友: 開心就開心，不過，講開又講，落雨濺濕我就無得講; 但係好天時，你啲汗仲犀利過啲雨，就真係仲難頂! 唔止搞到我周身濕哂，仲搞到我成浸「酸縮」臭味。

亞霍撫撫頭：嘻嘻，我自己都覺得好難頂，所以我咪每次都同你洗面擦背一番囉。

戰友: 我都知你惜我。唉，不過唔陪得你幾耐嘞，你另找戰友啦。

亞霍望着戰友黙然:咁，多謝你陪我走過好幾百里路，一路好走!

按: 作者原題為「戰友」，文章標題為編者所改。

Fitz連結: https://fitz.hk/?p=109913