[挑戰南極100公里] 冰天雪地的60km

張思縈 2016-12-01

11月26日
我地今日誓要練倒 60km! 😠😠

今朝為左體驗凍 d嘅氣温下跑步，我地 0600 就出發，清晨嘅氣温得 -15 , 啱晒！ %e6%8c%91%e6%88%b0%e5%8d%97%e6%a5%b5100%e5%85%ac%e9%87%8c-%e5%86%b0%e5%a4%a9%e9%9b%aa%e5%9c%b0%e4%b8%8b%e8%b7%9160km3 於是我地第一轉就包到隻糭，Gary跑左一陣個 neck warmer就已經結左 d冰添！頭幾個鐘氣温一陣都係徘徊響負 10 幾度，凍嘅氣温有時都令到皮膚、手指都有份疼痛；不過後來就越跑越熱啦！我地每逢兩、三km都會經過個温度計，睇住佢由 -15 、-14、-12、-10及-8咁慢慢升返，結果我地後段連 fleece都唔駛著，到 0 度嗰陣著住兩件 base layer開 6’45 pacing都標晒大汗，後尾仲忍唔住熱到要食杯雪糕添！

可能陸別町係山區無乜大型建築物，太陽一出晒直射落嚟就真係唔算好凍。好彩頭幾個鐘都有 -10 幾度， Gary亦都嘗試晒唔同嘅裝束之餘，我自己都多左個 concept 響唔同嘅温度下應該點樣去配搭 layers，呢樣對我地去到南極時點樣面對變幻莫測嘅氣温有好大幫助。

[挑戰南極100公里] 冰天雪地下跑60Km

我地今日主要響一條通往陸別町嘅國道 242 練跑. 並以陸別町嘅地標”道之駅” (即係温度計嗰度) 為中心點，然後向左右兩邊跑到咁上下再返轉頭，有需要就響 “道之駅” 附近間便利店度補及。不過條國道一 d都唔好跑，因為唔係平路，我地要不停咁上斜落斜，而且週不時由非常重型嘅車駛過，擦過身邊食好多廢氣之餘仲有股強勁氣流迫埋身。不過點都好，我地控制好個 pacing慢慢跑，終於順便完成目標 60km啦！無爆兼達標啦！仲要唔係好攰添~ 真係開心都飛起！有左呢一課，相信可以裝備倒我地更多去應付南極100 公里！希望到時更能夠好好發揮，大家要繼續幫我地打氣呀！

🙌

11月27日
今日落雪啦！好野！！真係遲來的落雪！而加周圍都鋪左雪，我地就即刻爭取僅餘嘅時間拿拿響離開陸別町之前練多一陣，希望讓 Gary體驗多小小響有雪嘅地面如何走動。今日氣温雖然無尋日早上咁凍，但因為落雪無太陽，所以寒冷嘅感覺同尋日都真係差唔多。 %e6%8c%91%e6%88%b0%e5%8d%97%e6%a5%b5100%e5%85%ac%e9%87%8c-%e5%86%b0%e5%a4%a9%e9%9b%aa%e5%9c%b0%e4%b8%8b%e8%b7%9160km1

----- 廣告 Ad -----

11月29日
我地返左香港啦！感激香港航空同 Patagonia嘅贊助，令我地可以順利完成今次北海道嘅集訓之旅。其實我地咁努力練習，目的都係希望可以響南極100公里超級馬拉松賽有更好嘅發揮，為香港撒瑪利亞防止自殺會籌多d款。大家要支持我地，scan 下個 QR Code 或 click入捐款網址，踴躍捐錢呀 :D

%e6%8c%91%e6%88%b0%e5%8d%97%e6%a5%b5100%e5%85%ac%e9%87%8c-%e5%86%b0%e5%a4%a9%e9%9b%aa%e5%9c%b0%e4%b8%8b%e8%b7%9160km_09

南極100公里超級馬拉松比賽籌款專用網頁

南極100公里超級馬拉松比賽Facebook專頁

Gary Leung – 視障跑手 Facebook 專頁

----- 廣告 Ad -----

張思縈

任職社工，從事戒毒服務已有十八年, 也是一名運動愛好者、旅者以及攝影人；喜歡嘗試新事物，並相信透過參與、實踐更能體驗人生。於 2015 年遠赴北極參加馬拉松，希望以克服極地環境之挑戰，宣揚「走出局限，奔向夢想」之康復訊息，鼓勵康復群體抱緊信念，努力跨越康復道路上所經歷之障礙，堅守康復方向，繼續追求人生所訂立之目標。