視障跑手梁小偉(左)及領跑員張思縈(右)
去年，社工張思縈Jennifer為了宣揚「走出局限，奔向夢想」的理念，她踏足北極，在零下41度跑馬拉松。結果，Jennifer以7小時6分6秒奪得北極馬拉松賽的季軍，令人鼓舞！
這次，Jennifer繼續秉持她的「走出局限」信念，遠赴南極參加100公里超級馬拉松。她並以參加者及領跑員的雙重身份，帶領視障跑手梁小偉，一同參加比賽。
北極與南極，可能是地球距離最遠的兩點，但氣候又如此相似。那麼在這兩個地方比賽其實有甚麼不同？
張思縈於2015年奪得北極馬拉松季軍
由於Jennifer已有北極作賽的經驗，所以對於兩場比賽都極有研究：
----- 廣告 Ad -----
「第一個分別就係地理環境。兩個地方睇落都係冰天雪地，不過北極嘅地下係冰層，所以跑嘅時候就會好滑，間中仲會有冰隙，跑嘅時候要好小心。南極因為屬於陸地，可以實實在在喺地上面跑，好跑好多。」
除咗地理環境外，其實亦同主辦單位好有關係，Jennifer話：
「北極馬拉松舉行嘅地方，係屬於俄羅斯；而南極馬拉松嘅比賽，係由美國人主辦。由於兩個國家嘅做事方式完全唔同，所以喺支援同設備上完全唔同。」
「簡單講，北極馬拉松所有嘢都簡單啲，而南極馬拉松就講究好多。例如南極馬拉松嘅配套會好好多，休息嘅地方會有熱水沖涼，賽道會興建得平坦的、闊啲同直啲。」
----- 廣告 Ad -----
據了解，這次Jennifer與小偉出戰的南極馬拉松，比賽全程100公里，是繞圈賽，每圈約2公里。對於在嚴寒環境，其實當中有甚麼困難呢？
「最大問題肯定係氣溫！因為溫度太低嘅話，萬一你身體有汗，汗水隨時會喺身上結冰，嚴重嘅會凍傷。所以喺呢個環境之下，跑步嘅時候要好好控制你嘅心跳同步速，跑得太快而令心跳加快，體溫升高嘅話，萬一出咗汗就好麻煩，可能因為咁要停底換衫！」
「第二個問題就係地下嘅積雪。南極北極終年有雪，地下點都會有積雪。上次我喺北極就無預計呢個情況，所以今次我哋嘅訓練都要針對呢一點。香港雖然無雪地，但我哋會專登去跑下沙灘，感受一下喺鬆散嘅地面跑步。」
去片>>梁小偉與張思縈之訓練日常
Jennifer這次也是視障跑手梁小偉的領跑員，她不單在100公里跑道上帶領小偉，更帶領小偉由香港出發，飛到南美的智利，再進入地球最南端的南極。這個領跑員完全不簡單！
「呢次要帶領住一個視障人士比賽，我自己有好多嘢要適應。例如要更加注意四圍嘅環境，一有變化，就要好快俾提示。而且亦因為兩個人一齊跑步，喺速度上亦要互相配合。」
此外，對Jennifer來說，這次南極馬拉松有她的特別意義。因為，這是她「世界馬拉松大滿貫」的最後一站。
「世界馬拉松大滿貫」，跑手要跑均地球七大洲，再加一個北極。當Jennifer完成這場南極超馬比賽，就可得到「大滿貫」的榮譽！
去片>>張思縈的備戰與目標
Jennifer與小偉，均希望利用這次創舉，去幫助更多人。看不見的小偉說：「沒有問題是解決不了！」他每次聽到有人輕生，都感到十分惋惜。而他們二人，亦希望借此活動，可令更多人熱愛生命，珍惜生命。
----- 廣告 Ad -----
所以，這次南極之旅是為「撒瑪利亞防止自殺會」籌款。
籌款專頁@charitable choice: tr.im/Antarctica100
另外他們現時極需要籌集經費，以支持南極旅程之非計劃性開支。各位有心人如希望捐款支持，亦可直接電郵至[email protected] 聯絡 Jennifer。
梁小偉 Gary Leung – 視障跑手Facebook專頁
更多：
Fitz.hk Facebook專頁
[挑戰南極100公里] 視障跑手梁小偉: 你不能幫助一個放棄自己的人
[視障馬拉松一哥] 梁小偉的十句說話
[完走4300公里] 阿寶：夢想係唔會實現!
[光明導師INTI] 把工作跟人生都一併跑回來
Fitz Running 跑步
