凍朱誘惑 圖: instagram
每次跑班操完大伙兒去食飯 (四個一枱有安心出行…..，下刪200字頭盔)，教練最喜愛點選十級邪惡的炸雞翼，再加杯凍朱 (有幾吋厚cream在杯面盪來盪去果種)，但見教練身形又 slim 又 fit，冇隨身救生圈，脂肪率維持1x%，下巴數目亦是單數。同學見到非常葡萄，思考點解佢可以咁放肆任性?
十級邪惡的炸雞翼，你食唔食得起? 圖: instagram
教練解釋說如果 keep 住每天都有足夠的心肺運動，例如跑步或做 HIIT，身體付出量大，需要補充，間中食高熱量食物，不足為患，而且亡命衝圈劇烈運動之後，極需要邪惡食物作心靈慰藉。
----- 廣告 Ad -----
經歷炸雞翼和凍朱洗禮的教練，仍 keep 得好 fit
道理簡單，但重點是要「每天keep住」這個生命中不能承受之輕。要任性，要吃得起邪惡食物，就要有一顆恆心，加兩噸毅力。搵日落街跑步不難，但要做到每天都落街跑步就十個難。出太陽跑熱死人咩，落雨跑淋病人咩，放工好攰冇力跑，心情唔靚冇心情跑…….，一切皆因人性本 hea。
要「每天keep住」，第一要有個目標，第二要有動力。最近發現有個自我挑戰活動 MayDays Run (由 RunnerReg 主辦)，幫緊你幫緊你 keep 住每日跑30或60分鐘 (應該唔難入口)，跑足31日 (會變得好強大呀)。整個活動由5月1日跑到31日，目標清晰明確，以累積的總里數排名，對於我呢啲與世無爭的廢老，重點不是爭取排名，是俾個原因自己每天搵個時段，穿上跑鞋，攞個水樽，落街或者運動場或者附近山頭，爆晒汗砌番幾十分鐘，砌嘅對象係自己的恆心和毅力，講出嚟都覺得有少少英!
MayDays Run
| 活動日期 |
1/5 (6am) -31/5(7pm) 2021
|
| 組別 |
每天跑路 /步行 /跑山最多
i. 30分鐘 ii. 60分鐘 (可以個人或組隊) |
| 挑戰目標 |
累積在31天內跑得的總里數 (最少可以只跑一天)，以距離排名 (分組別/性別/年齡/地區)
|
| 紀錄成績 |
下載及使用大會提供的 RunnerReg App 紀錄過程及上載成績，可即時看到排名。RunnerReg App 已在 iOS 上架，大會說 Android 版會盡快上埋
|
| 費用 |
免費。可選擇捐款給 ImpactHK 或 Exchange & Empower
|
| 報名 |
*MayDays Run 接受世界各地人士參加，報名也可以當代表香港，撐下場!
21日養成習慣
美國整容醫生 Maxwell Maltz 觀察整容後的人，發現他們平均需要21日來適應新臉孔。截肢病人在截肢後會出現「幻肢」感覺，這感覺通常會在21日後才消失。所以 Maltz 得出21日養成習慣法則。這21日分為3個階段:
- 第1階段: (1至7日左右): 表現為「刻意，不自然」，充滿內心鬥爭，需要十分刻意提醒自己
- 第2階段: (7至21日左右): 表現為「刻意，自然」，但還需要意識控制
- 第3階段: (21至90日左右):「不經意，自然」，毋須意識控制，以成為習慣
說到底，「21日養成好習慣法則」的關鍵是持之以恆，要連續21日重複地進行，需要意志和紀律，明白一般人都十分缺貨。不過收成是終身受惠，好有槓桿效果，投資得過。
搵個friend同你一起跑，給力x2
----- 廣告 Ad -----
MayDays Run 再俾多10天你做buffer，冇得輸。報左名 (免費)，代表了一個給自己的小小承諾和挑戰，老老套套講句：要贏人首先要贏自己。若要再多些動力，約埋 friend 一齊玩，再出個 post 告之天下，等全世界監察住你，要你找數。
初戀個個都愛到發燒，老夫老妻仲可以地老天荒，好恩愛地你手拖我手一起跑下去，罕有但好閃!
