[濟州環島跑] Day 4 沒有榮耀 只有堅持 有一種熱血叫環島跑 (附環島資訊整理)

曾經諗過，錢解決到嘅問題，就唔係問題。的而且確係，一條簡單數學題，濟州搭的士~50km大約280HKD，一圈大約200km，總共$1120，除返4個人，每人比唔洗$300就可以輕輕鬆鬆玩4日 (呢個價錢係香港足夠由我屋企搭單程的士去機場)。諗起都開心，每日都係點對點接送。

每次環島，Facebook 見到好歎，住平靚正酒店 ($200內住4-5星級酒店)、180度無敵海景、不知明靚景。每一次到達前，都要一步一步堅持，遇過颱風、暴雨、40度高溫、10度低溫、40km全逆風、曝曬、蕩失路、缺糖缺水、身體磨損、關節痛、肌肉崩緊、起水泡、燒腳等。

一切都先苦後甜，唔經歷過、唔嘗試過，你都唔會知道自己成功與否。縱使無人能夠確保最後都係一個完美句號，但一切經歷都係成長一部份。每當跑到最後42…21…10…5…1K，都感受到生命嘅義意，就係不斷發掘、不斷試煉。

「沒有榮譽，只有堅持的成功感。」

盛@90後: 有一種熱血叫環島跑

第三次環島跑，今次係188公里既韓國濟州島。

今次係我嘅第三次，亦係有人環島既第一次，亦係有人用雙腳靠自己跑完既第一次。

今次雖然4日就環完，但其實係因為要就大家既假期先壓縮左行程，每日平均47公里，第二日最長既57公里一啲都唔簡單。4日 back to back 咁孭住全部行李跑，上次沖繩3.3kg，今次3.2kg，所有野都有用。我諗我第時都未必做到，就趁而家仲做到，盡力無悔吧!

當喺香港過住日日如是，唔知為乜既生活時，黎個任性出走，做番啲熱血、自己鐘意做既事，去搵番自己，未嘗會有新既諗法，同各種成長。

下一個會係你嗎?

HNR濟州小隊 (左至右): Amanda、盛、達仔、宗