編按: 面對出色跑女,想做兵都唔易。
編按: 面對出色跑女,想做兵都唔易。

有些港女(沒有貶意)會穿名牌時裝, 挽名牌包包去展現自信,這並無不可。如果afford得到, 絕對不是問題。錢之外,是人著衫定衫著人呢? 高登仔有句野好啱,人柒著乜都柒, 人靚著乜都靚。

副偈唔得,都carry 唔到件衫, 即使著全身Armani 都不及一個只穿一件簡單cutting的A&F tank 加一條super skinny 牛仔褲的港 跑女吸引,個份自信質是不自覺地流露出來的,是approachable的,不是起哂弶個種。我見過的港 跑女很懂打扮,善於展現自己的美麗。自信是她們最顯著的標籤。

剛過去的渣馬, 我都有尋找研究對象,在iSquare的 Pandora找到目標,是一個單拖纖瘦帶Cap 帽紮馬尾, 穿Gyakusou 風衣,短褲,粉紅色calf guard同ASICS限量版的港 跑女。

我上前搭爹問邊到上線 (白痴到無倫) 她見到我的number bib, 好nice好sweet咁問我是否跑半馬挑戰組, 原來她都係, 我即時柒到話乜咁啱嘅。我隨即問不如一起跑,她話約了朋友, 我立刻謝咗。

跟著她的朋友出現,原來是另一個樣子標緻的港 跑女, 上天待我真好! 她同朋友講不如大家一起跑, 她的朋友即時給我一個『跑步定媾女』的鄙視look.她的朋友話佢地跑六分pacing, 唔介意慢呀嘛?我話落雨打算放慢跑。

她邊行邊tweet時,個份自信的氣質真係型到震。

起步時,我即刻改我的起動playlist 為The Cure的 Friday, I’m in Love.起步後, 我地一起跑, sync著跑, 即係步伐好似操兵咁一致, 同兩個漂亮的港 跑女跑,個種開心法真係發夢都會笑醒。

去到荔景時, 開始感到唔對路, 呃人既, 我隻Apple Watch 話係五分pacing, 好明顯, 她的朋友諗著扯爆我, 我只好死跟。我仲一路跑一路嗲, 佢朋友於是吋我,同我講你條氣好喘,不如唔好講嘢著, 專心跑步, 返到終點,佢會同你交換contact.

跑到愛護動物協會時, 終於叔叔不行了, 上天橋時大腿老抽,要做步兵。佢地要做時間,一路爆上天橋, 都唔等人嘅。兩個自信滿瀉的氣質港 跑女就漸漸離我而去, 我本打算唔覺意拖著佢地隻手衝線, 現在美夢成空。

本文原載於Facebook群組長跑長友,已獲作者授權轉載

更多:
Fitz.hk Facebook專頁
第二個必追或(even better)娶港 跑女的理由
十個必追或(even better)娶港 跑女的理由 (一)
Yiu Kwong Chan@Fitz.hk
Fitz Running 跑步


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 跑步 Running > 第四個必追或(even better)娶港 跑女的理由