風雨中的runningf又crew run,路線是跑得最多的九龍灣至啟德。沒看天氣報告,不知道有可能落雨,遮也沒帶。放工前,一齊跑的同事問落雨仲有無得跑,我上一上天文台app查 loc-based rain forecast,見到細細舊雨雲經過九龍東然後飄走,兩小時之內的事,所以照計跑時不會落雨。

到了運動場,小雨,還是滿有信心,少少雨絕對不是問題啦!怎料起跑時雨開始愈下愈大,去到一半已經是由頭濕到落腳。第一次在大雨中跑,原來好爽!因為不會覺得出到一身汗,也不會覺得很熱,又不用顧要擦面上的汗,像游水上水時用手往臉上一抹就是了,很粗枝大葉,但爽爆。跑到碼頭旁的大直路,是加速暴走的好機會,雖然我只是由蝸牛速加到變龜速,但在大風大雨之中,仍然是無比暢快。到公園之後稍稍避雨,但因為一停就勁凍,所以等了一陣就班師回朝了。回程時雨仍似是追著我們不 放,一休息就收細,一起跑就狂落!不過我鍾意!

經此一戰,touch wood又無冷病,以後落雨都可以照跑了。其實落雨又有乜好怕喎!

更多:
Fitz.hk Facebook專頁
[練跑筆記] 台北生日跑
[練跑筆記] LSD良伴
[email protected]
Fitz Running 跑步


文章為作者意見,不代表Fitz立場。

歡迎投稿: http://fitz.hk/contribute/

Boni
慢腳仔跑步新丁一名,自小最怕運動,PE年年攞E,2015年初從零開始以蝸牛速起跑,漸漸進化到能以龜速前進。