賽前空肚食早餐 (本地篇)f最近有跑友疑因未有進食早餐,在比賽期間不適暈倒。其實跑個半馬分分鐘消耗千幾卡路里,所以比賽前食早餐有幾重要,相信各位跑友都是知道的。係香港比賽,其實可以選擇在家中享受早餐或者外出食個豐富早餐,但是香港的比賽一般都「倒塔咁早」,可跑友們食早餐又可以有咩選擇呢?

跑個半馬隨時消耗成千幾卡路里,所以份早餐都幾重要 (圖片來源:沙田跑友會)
跑個半馬隨時消耗成千幾卡路里,所以份早餐都幾重要   (圖片來源:沙田跑友會)

外出早餐
[渣馬備戰] 銅鑼灣、尖沙咀通宵食店一覽1. 24小時的快餐店/餐廳
無論比賽幾點開始,或者大會旅遊巴更早都好,24小時營業的餐廳都可以方便跑友隨時去食個靚早餐。

注意:部份快餐店/餐廳的食物油份較高,或會令跑友感到腸胃不適。

(圖片來源:沙田跑友會)
(圖片來源:沙田跑友會)

2. 茶記/餐廳/熟食檔
有些餐廳雖然不是24小時營業,但可能都趕到食個快早餐,食返個早餐A人都醒神d啦。

(網上圖片:linkhk.com)
(網上圖片:linkhk.com)

3. 便利店
便利店的叮飯、袋裝麵包等,都方便跑友坐車前食個快早餐。

注意:部份港鐵車站的便利店並不是24小時營業,要預先了解營業時間。

(網上圖片:openrice.com)
(網上圖片:openrice.com)

4. 小食店
有些小食店會在早上賣三文治和飲品等,都是一個不錯的選擇。

注意:有關店舖於星期日的營業時間。

家中享用

(網上圖片:amykitchen.blogspot.hk)
(網上圖片:amykitchen.blogspot.hk)

1. 自家製早餐
自己製作一個豐富的早餐B,既可完全適合自己的口味,又可在家中舒適進餐。

注意:需要更早起身準備早餐,或會影響睡眠。

(網上圖片:zh.wikipedia.org)
(網上圖片:zh.wikipedia.org)

2. 叮叮叮飯/前一晚的隔夜飯餸
前一日買定叮飯或留少少隔夜飯餸,早上叮一叮就可以在家中享用,比即時自家製早餐更為方便,冬天時更可暖暖胃,更安心上路。

注意:部份叮飯的份量較少,此外部份叮飯的餸菜較難消化,需要小心選擇。

(網上圖片:health.thenote.com.tw)
(網上圖片:health.thenote.com.tw)

3. 麵包/餅乾
預早買定麵包,朝早塗小小果醬,十分方便不過可能味道會比較寡及乾身。

注意:新鮮麵包的保質期較短,要注意食用期限。

無論選擇食咩都好,飲兩啖水先食,就唔會空肚食早餐啦。不過最緊要都係預早少少食,等份早餐落一落格先去比賽呀!

更多:
Fitz.hk Facebook專頁
[蘇威暈低] 賽前早餐「有食唔食,罪大惡極」
馬拉松決戰前夕 20個備戰錦囊
運動成績最重要?運動飲食偷吃步之肝醣超補作用
沙跑[email protected]
Fitz Running 跑步