跑界寶藥黨八號風球之下,網上嘅跑步group一啲都唔平靜。

事緣某地區跑會的負責人指,有人(匿稱佢做EM)在某個facebook的跑步群組上騙取跑友金錢。EM話幫跑友團購平嘢,點知收咗錢唔見影。根據負責人嘅講法,事件涉及金額達8萬蚊:跑界寶藥黨003我得到嘅資料暫時仲好唔完整,真係唔可判斷係咪騙案。不過,如果真係喺事件中覺得受騙,我呼籲大家要企出嚟,令呢啲跑界寶藥黨可以繩之於法。而如果真係有人有心利用跑友間嘅信任去呃人,我亦向佢作出同689同級嘅超級詛咒:落地獄!

或者有人會以為,被呃嘅人一定「思想好單純」、「做人好無腦」。我覺得呢啲人完全唔明白,跑友間嘅互信關係。

跑界寶藥黨01
一齊跑,一齊開心,一齊辛苦,呢種互信關係真係好難得。

有人話同朋友去一次旅行,可以知其為人,其實同朋友跑一次,亦必定可以摸清佢底。當你同朋友一齊跑,大家共同呼吸,共同展步,其實共同經歷緊一段旅程(無論係幾K跑運動場,以至幾十K劃個大圈),你同跑友要互相照應,互相支持。你跑得慢,跑友會鼓勵你;你受傷有困難,跑友會第一時間支援你。你唔可能對佢唔信任,因為喺跑道上,你只能依靠你的跑友。

與處處提防別人嘅現實社會相比,跑步嘅世界可能真係好單純,但正因為呢種種單純,令人流連忘返,正因為真誠嘅跑友,更令人感受到跑步嘅樂趣。呢班寶藥黨可惡之處,唔單只呃人錢,仲係衰在利用咗大家呢種純潔嘅信任!


總之一句,呃人嘅騙徒,你走吧啦,呢度真係唔歡迎你。

同場加映,講開又講:
我98年上網,經歷過幾次重大嘅網絡騙案,其中最轟動嘅(疑似)騙案,首推「慧慧(肥鯨)事件」。至於詳情,網鹷淺嘅後生仔女,自己google下啦。嗱,我聲明在先,呢單嘢同我無關。

更多:
夏天運動會洩咗度氣 中醫話嘅
識得寫-CV一定寫PB
[親子運動] 細路仔做運動唔使逼啩?
家聯其他文章
Fitz Running 跑步

Advertisements
分享
家聯
為何要運動?去公園看看那些四五歲的小朋友,從跑跑跳跳所得來的喜悅吧!勿忘初衷,運動會令人快樂,難道我們都忘記嗎?