[郁民教室] 跑步腹痛因咩事_f

上跑步群組,間中會睇到有人問:「點解我跑跑下個肚會痛?係咪我有暗病呀?」

病你就無嘞,只係有幾樣嘢你忽略咗啫:

1. 呼吸太用力
起因:跑步新手最通常出現肚痛嘅原因,就係呼吸太用力,控制呼吸嘅肌肉唔協調,引起輕微抽筋。
治標方法:減慢步速及呼吸力度,並將手舉高,痛楚會慢慢減輕。
治本方法:學習跑步時以平緩嘅力度呼吸,學會丹田呼吸更佳。值得一提,就是呼吸都要消耗能量,太用力呼吸,其實亦會影響運動表現。

2. 熱身不足
起因:熱身不足,令血液集中在下半身,全身血液失去平衡,引發腹痛。
預防方法:先快步行一段路再起跑。

3. 食得太遲
起因:食物仍在腸胃未完全消化,做運動會剌激腸胃,引發痛楚。
預防方法:跑步前食少啲,或者早啲食嘢。亦要注意唔好食太難消化或脂肪含量過高嘅食物。

4. 缺水
起因:美國Rice University有研究話,跑步期間補水不足,亦會引起腹痛。所謂補水,一方面指飲唔夠水;另一方面指飲用過多高滲透性飲料 (hypertonic beverages,即勁含糖嘅飲品),而消耗體內過多水份。
預防方法:飲用適量清水,或等滲(Isotonic)嘅飲料,如佳得樂、保礦力等。

資料來源:華人健康網Rice University

更多:
Fitz.hk Facebook專頁
[郁民教室] 跑鞋濕水點處理?
[郁民教室] 水袋發霉點洗?
[郁民教室] 5個練跑前的準備
[郁民教室] 抵抗酷熱練跑7招
[郁民教室] 運動場踏出「第一步」
Fitz Running 跑步

分享
Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz.hk都會全力搜羅,同時鼓勵「郁民」齊齊參與,打造一個開放嘅運動生活資訊平台。