網上圖片
秋意漸濃，跑季也正式開鑼。剛過去的星期日，一天便有七個賽事。賽事多了，主辦單位理應吸收了更多經驗，安排上會做到更周全，細節上會做到盡善盡美，而參賽者應感到越來越滿意。可是，實情是在社交媒體見到的posts及留言都是負皮居多，正皮很少。
煩膠一: 報名
你以為渣馬改以抽籤方式報名，就相安無事，你就大錯特錯了。院友瞬間分化成為『靠F5鍵』和『靠念力』兩派，在FB互片，謾罵之聲此起彼落，最後連最斯文、最有修養的院友 – 「我」都留言『小麗人哋老母』去應機。
咁你話抽籤好定撳爆F5好呢?
----- 廣告 Ad -----
煩膠二: 起步時間
太早起唔到身，太晏又會好曬。幾點先至唔太早又唔會曬親你呢?
煩膠三: 領取選手包
典解唔比賽當日先派? 我住天神村，嘥我時間出灣仔運動場攞選手包，我秒秒鐘幾十萬上落家嘛? 九龍灣MegaBox雖然有地鐵到，但落咗車，都要行好遠。
咁不如搵順豐，去到你門口叫你收嘢呀，好唔好?
煩膠四: 收費
香港人價值觀係平慳貴買，報本地比賽要$250，有人話不合理，因為計落六千人，賺L死主辦機構啦。但報海外馬，幾叉嘢又無問題。
煩膠五: 影得我咁醜樣
正如烈女Carmen話: 「跑步唔一定要攞獎，最緊要有相。」你話張相幾咁重要呢，影得唔好，真係會燒你數薄。「點解文星大師影到人哋高潮眼架?!」(虛構對白) 其實，柒唔柒唔關影果個事，係關跑果個事。
不妨像外國人一樣，放開胸懷，跟別人分享自己最柒的一面，為紛亂的世界增添一些歡笑。
----- 廣告 Ad -----
煩膠六: 環保
最環保就係唔好攪比賽。帶水樽跑，你無嘢吖嘛？我要PB架。
今年四月全城街馬大會配合環保，在嘉年華會場內設置多個自助水站及一個大型BottLess EXP水站，並不會提供紙杯，以減少堆填區的垃圾。因為有些細節交代得不太清晰，結果給鬧爆，險釀成一次關公災難。環保，香港人，講就凶狠，做就碌撚。
煩膠七: 時間
識跑，渣馬一定跑挑戰組。挑戰組跟普通組是有分別的，起碼知道名次先。比賽當然要有大會提供超詳細完賽時間資料，唔係要咁多個CP來托咩?! 要幾仔細? 可以睇睇利馬﹑倫馬和新加坡渣馬。
利物浦馬拉松
倫敦馬拉松
新加坡馬拉松
煩膠八: 場地安排
攪比賽難，係香港攪比賽更難。十公里以上賽事地點來來去去都係將軍澳、白石角﹑城門河﹑馬鞍山、荃灣或偏遠的新界地方，街馬都只係跑工廠區咋。元朗區體育會申請了4年先封到路搞比賽。其實，大部分香港人都認為比賽製造噪音和擾民。前年渣馬七點幾跑入銅記，都被阿伯小狗我阻L著哂。所以，賽事地點通常比較隔涉，亦不會有大會免費接駁車。跑迪欣湖的話，入迪迪尼紮營啦!
煩膠九: 比賽氣氛
食魚要有魚味，食蝦要有蝦味。比賽點可以無氣氛? 就係無。好彩的話，比賽前會有型男索女教練帶做動態熱身。沿途要有人打氣就難啲。由於地點隔涉，你都唔使旨意像外國一樣有人在賽道上給你打氣。香港人睇人仆街最開心，幫人打氣，算吧啦。
----- 廣告 Ad -----
不解釋
煩膠十: 獎牌﹑毛巾﹑跑步tee
「阿爸，今年無跑步tee畀你當睡衣，因為唔係柒步﹑唔係New把撚，係耐克呀!」依家有運動品牌贊助的比賽戰衣，都採用了DRI -FIT物料，上衣前後均特別印上吸睛圖案和鼓勵字句，而衫的設計亦見誠意，可以稱得上係人著的。獎牌設計嘅嘢，我只係識條鐵，只要是用汗水換回來，我都會好好珍惜。毛巾就頭痛啲，家裡毛巾已堆積如山，但唔攞又怕蝕底。
多得『院友』提供意見, 原來我寫漏了兩個最致命的『煩膠』:
(2016.11.28 更新)
煩膠十一: 害L死人的劉華
就係呢句嘢遺害人間十幾年，造就了不少人拿著顧客身分頤指氣使，蠻不講理卻偏要投訴職員的事件。這種無限延伸，推而廣之到生活每個層面。例如，學生會同阿Sir講，我有交學費架，你唔可以『肥』我，fail我的話，我會投訴你教得唔好。正如runner blogger Francisco Fan話，跑友應以參加者心態多於消費者心態去看待賽事。
打個比喻，你去參加朋友婚宴，你不會由隻乳豬開始彈，彈L到碗紅豆沙啩,就係因為你比咗人情。婚宴呢件開心事，我會奉上祝福多於斤斤計較所付出『入場費』得回什麼。
我只需要儘作為參加者的責任，如細閱參賽者須知，遇上有機會出現惡劣天氣時，密切留意大會公佈的消息。
某外國資深跑手講過: 「你未必同意大會定下的規則，但你有責任遵守。」
賽事中最美風景從來都是人,就讓我們為對方留下美好回憶。
煩膠十二: 『真』香港精神
什麼是『真』香港精神? 凡事都有兩種聲音。
一方面是「邊個介定惡劣天氣先? 你話係就係架嘞? 惡劣天氣係比賽挑戰的一部分。條命係我嘅，有咩事我自己負責。」
另一種聲音是「路又濕又滑，一地樹枝同水氹，典解要堅持繼續進行賽事。依家我整親，大會要負責呀，告到你主辦單位破產為止。」
----- 廣告 Ad -----
唔好以為是兩個人講的，其實係出自同一個『煩膠』的。『真』香港精神就是有「香港精神分裂。」
備注: 好在最L『煩膠』的香港人唔多跑步，佢地最鍾意坐飛機去旅行。
葉伯葉倫明
最後我想些牙一位跑遍全世界的朋友的一番話，他說其中一個最值得回味的比賽是已經停辦的大浪灣三十二公里。賽事參加人數不多，在煩膠眼裡，各樣安排都是可以complain的。
這個世界都是99%不完美，只要你找1%的完美，你便會走下去。賽道上最美的風景是香港的山和海，還有人。
當時葉伯仍是捧場客，見到偶像時，一定上前說「葉伯，加油」，而葉伯只會微笑答謝，然後以輕鬆心情享受比賽。
更多：
Fitz.hk Facebook專頁
我為什麼不跑步，不keep fit?
追不到的跑步女孩 (四)
追不到的跑步女孩 (三)
追不到的跑步女孩 (二)
追不到的跑步女孩 (一)
Yiu Kwong Chan＠Fitz.hk
Fitz Running 跑步
本文屬作者意見，不代表Fitz立場。
