山東濟南一場半馬賽事，出現引人注目一幕，一位暖男爸爸抱住九個月大囡囡一齊跑。佢哋有無違反比賽規則就唔知，不過事件引起網民關注，呢位爸爸仲畀人鬧爆。
爸爸姓楊，同老婆都好鍾意參加長跑賽。媽媽話陀住阿囡時，大住個肚都有參賽，預產期當日更有去跑步，結果朝早跑完，下晝就入醫院生仔。而爸爸亦話今次唔係第一次抱住阿囡比賽，佢只係想阿囡一齊「感受大自然」。佢呢次以3小時跑完21公里，話阿囡全程好乖，中途仲瞓著覺喎。
不過網民唔理佢兩公婆有咩感受，覺得BB咁樣搖足3個鐘會有腦震盪，力數呢對父母不負責任。
https://youtu.be/o4Ur81L2NpE
----- 廣告 Ad -----
帶BB「感受大自然」無問題，但點解唔去行山要跑半馬呢? 睇嚟係父母想跑多啲喎。
資料: 聯合新聞
Fitz 編輯部
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。