『自從成為院友後，成個人都精神哂!』係最貼切去形容跑步帶來的好處。
我見過的港 跑女都是很開朗，型得嚟唔扮嘢，不矯情不做作，好陽光，fun to talk with〔如果你唔柒的話〕。究竟跑步是怎樣令人變得性格咁學術嘅問題，留給教授去研究。我就接觸過一個朋友的clinical case.
我同澤鉅係中學同學兼好兄弟，放學後經常去佢屋企做功課，其實係打機，聽歌同睇碟，佢有一個細三年的OB妹妹，佢有個好項癮嘅名，叫小圓。圓係圓，但一啲都唔小。試過一次她食食吓卡樂B，係梳化到『恰』着咗，倒到成身都係薯片，見到都眼冤。
所以我地成班仔會整蠱佢，我最鍾意玩她手臂的拜拜肉，有時玩的太過份，澤钜會叫她返入房。後來澤鉅鉅去了英國讀書，我地就少了見面。
直至前幾年他返來香港，我地約係SOHO Drop飲嘢。他一啲都無變，離好遠都認到他，他仲同一個穿小背心的索女一起。我走上前同佢打招呼時，個女仔咁啱行開咗去攞嘢飲。我同澤鉅講咁快就識咗件個正妹? 他好嬲咁話我講咩呀? 個個係我個妹嚟㗎，小圓呀，你唔認得咩?
小圓攞完嘢飲返來，真係唔認得! 小圓剛剛係Pure Fitness 做完gym，join埋澤鉅飲嘢，她睇來足足瘦了成百磅都有，她看起來像另一個人。我地傾咗一陣，她就話要走。我話不如順路送她，她問我住邊，我話天水圍，接著佢話柴灣都算順路啊可?
她邊行邊講她的轉變，原來她曾被欺淩至患上飲食失調同抑鬱症。病情一直都好反覆，配合藥物治療，CP建議她做運動，她選了最簡單的跑步。她開始跑步時，要在深夜或清晨時份，因為害怕途人的目光和難聽的說話。
有一次，她獨自在街上跑步，給一班女仔欺淩。班女仔跟著她後面大聲嗌『死肥妹，跑咩呀! 食屎減肥仲快呀!』 她忍住淚水繼續跑，直到他們無癮散開。她用了兩年時間減到現在的體重，飲食失調同抑鬱症都已經好過來。
當她講起這段痛苦回憶時，沒帶半點憂傷，仲講得好好笑添，講到好似唔關佢事咁。臨走時，我約她星期三晚參加Harbour Runners例操，她爽快答應了。
小圓作為一個港 跑女就是有這份獨特的fun，她可以自嘲，但你唔可以笑佢。你笑佢的話，她會把你剷到上天棚。
本文原載於Facebook群組長跑長友，已獲作者授權轉載
更多：
Fitz.hk Facebook專頁
第八個必追或(even better)娶港 跑女的理由
第七個必追或(even better)娶港 跑女的理由
第六個必追或(even better)娶港 跑女的理由
Yiu Kwong Chan＠Fitz.hk
Fitz Running 跑步
愛跑步同港式抵死廣東潮語，sub-4是終身志業，希望以文章和跑步結識朋友。
