新加坡舉行過兩次的 Yolorun 今日 (1/10) 在香港首次舉行5km及10km。跑手包非常特別及精美，是一個盒整齊裝著跑衫、號碼牌、Coupon、Sports bra (女跑手，男跑手是背心)、索袋、程序表、試用裝防曬等。
今天到達科學園場地，就給那長長的人龍嚇到，本以為大家在排攤位遊戲還是有野派，打曬蛇餅就算有野派我都唔好排啦，因為起碼要排半小時啦! 萬萬想不到，那堆蛇餅是排隊寄存行李的人龍。當知道那刻真的晴天霹靂。在排隊中只有微微的移動，等了一陣看看錶再看看隊中人，咦! 8:00喇喎! 但我前面2/3都是10km跑手，程序表上10km寫明8:15起跑架，同時我亦聽到有10km跑手話「不如唔好寄啦! 夠鐘啦!」但另一位又問「但點孭住跑呀?」似乎大家都好傍惶。其實我都好傍惶，雖則我5km係8:30先起跑，但我未去洗手間，同埋條隊又真的很慢點算呢?
----- 廣告 Ad -----
最終大會宣佈，所有比賽延後15分鐘並為行李問題致歉，而且容許跑手過起跑時間少少都可以上線跑，並講明計晶片時間。其實聽到大會延後我都很緊張因為我一陣要趕住走，但大會肯為安排失誤即時認錯並調整安排及致歉其實抵讚的。
講返行李寄存，終於到我寄時，我就發現工作人員並不是排次序只是盡快堆埋行李於一區，心想一陣取行李死得，即刻睇下佢地擺我件行李係邊先，一陣拎時一定超耐，結果真是……不過見到工作人員有在我地跑步時有一件件排返開行李，但都是混亂的。
排除行李問題以外，輪到賽道，其實賽道真的很多攝影師，特別是回程時，攝影師從來是一個跑步的催化劑，鏡頭前可跑則跑，可笑則笑，我諗今次跑手們都有很多相片留念。讚完之後又要講下可以更改進的地方喇。賽道唔足秤，得四公里幾，不過呢個問題其實都普遍，不足為其。跑時比較出奇是這項比賽竟然申請到單車徑跑步，因為5km回程時竟不是跑回海濱長廊，而是跑入單車徑。雖然後半部時就發現工作人員努力地叫跑手入返海濱長廊。
----- 廣告 Ad -----
總結，這賽事吸引的，但如果可以行李處理上安排得更細緻，如細分號碼行李寄存處、多加人手處理行李會更好。
更多：
Fitz Facebook專頁
[囉嗦大叔] 院友的一萬公里 (鰂魚涌 > 大潭 > 山頂 > 鰂魚涌)
Nike沒有告訴你關於 Breaking2 的故事 (一)
Fitz Running 跑步
