練跑筆記 — 第一次interval
13 January 2015
第一次train interval，快跑400米，休分半鐘，再來400。如是者跑12個400。一邊跑，一邊問自己為乜。腦中不斷浮現中學時期上PE堂的惡夢：跑圈跑包 尾，加多圈；fitness test和VO2max前恐懼到要千方百計整病自己，為求唔使跑(包括著背心開行冷氣在風口前吹風、從上格床跳落地務求拗柴等)；收成績表，PE被「恩恤」合格⋯⋯然後見到同班的大肚腩師奶，著到買餸咁款，都繼續在蝸牛速跑呀跑(我係龜速，比佢快少少)，我沒放棄的理由，即使已經跑到頭暈身痹兼想嘔
在跑第2、3個圈已經想死的情況下，我竟然捱到了第12個，雖然辛苦，卻愈跑愈順，圈速也尚能保持。
不過，我仍未答到自己是為乜。我只知，明早起來，我對腳應該不屬我。噢賣吉。
觀塘海濱花園 (圖片來源: Sina blog 山野Nowzone)
練跑筆記 — 試賽道
28 January 2015
----- 廣告 Ad -----
不經不覺已經來到要落場跑的最後一課。今堂試賽道，即是說一定要跑足10K。今次熱身一來已經要3個400 (平時是兩個)，即是1.2K。教練說完，已經立刻有一兩個成日得把口的同學細細聲呀吱呀咗：「嘩，我偷雞跑少個得唔得呀？」「咁多嘅點跑呀？」我心 諗，jog嗰三兩個都嘈就咪鬼學人報10K啦，仲要報埋training。何況上了幾堂之後，一兩K慢跑真係算係乜（快跑如上次interval則另作別論）。
今晚將比賽路線跑一次，不過起點不同。先由九龍灣運動場跑出郵輪碼頭，再兜出觀塘海濱返九龍灣。因為全程間中 教練會停低同大家講解路線，所以其實都不算辛苦。跑到第7K反而覺得愈跑愈順，亦開始發現原來提腿大步㩜真的跑得更快同更輕鬆，只可惜本人大腿肌力不足， 怕㩜多幾步就無力，所 以都只是就住免得半路chur盡。
第一次到觀塘海濱，跑到那個老翻裝置時一片燈影迷霧，還響起Hotel California，差點沒以為自己跑到high咗。回程折返九龍灣，9K，左髖關節開始小痛，只是少少，絕對可忍到收工。以前都有試過跑到膝或腳腕痛，但都很快無事。髖關節還是第一次，而且痛到第二日走路或企都痛。只是小痛，希望很快沒事，不過也是我要好好train肌力的好提醒。
最後一課，頭尾加埋warm up cool down 總共跑了12K，不算太累，竟然。
待續…
更多:
烈陽下八仙嶺山腳走一圈
雞蛋與高牆
每個跑手背後 都有個成功的cheerleader!
Fitz Running 跑步
----- 廣告 Ad -----
