港島街坊 Billy，報名參加倫敦馬拉松虛擬跑，佢畫咗條長21.1公里嘅路線，啱晒大家要完成42公里或者練長課。(Billy Facebook page: 比利的入五前後)
- 路線: 數碼港 > 堅尼地城 > 中山公園 > 中環海濱 > 會展 > 銅鑼灣海旁 > 北角碼頭 > 鰂魚涌公園 > 鯉景灣 > 愛秩序灣海濱公園
- 距離: 約21公里
- 補給: 中山公園、港灣道體育館飲水機 (疫情期間飲水機暫停服務)、沿路商場商店或汽水機
- 注意:
- 由銅鑼灣避風塘開始，至鰂魚涌一段，不能沿海而跑，可選擇電氣道及渣華道，比英皇道少人。
- 過馬路時，請遵守交通規則
- 由數碼港落西環之域多利道，行人路窄，小心車輛
街坊怒跑團 搜羅全港各區特色跑步路線，歡迎各方提供資料或簡單如 GPX 檔案，歡迎 PM、DM 或電郵至 info@fitz.hk。(歡迎街坊留言提供路線最新情況)
Fitz 編輯部
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。
