數字不會呃人， 跑步是香港現時最『潮』的運動。今年渣馬破紀錄七萬三千人報名， 叮噹跑一票難求， 剛過去Nike 女子十公里賽六千名額給秒殺。我開始街跑時，會被途人投以奇異目光，當時認為步應該在運動埸跑。
到今日，明顯看到在香港的跑步人口急升，每星期的跑步比賽不止一個，最誇張是去年聽過一個星期日同日有十個跑步比賽，令我患上選擇困難症。
有智慧不如趁勢， 潮流代表商機， 講得出的品牌及各大跑會跑團每天每晚都有跑步活動，沒有邊本潮流雜誌不談跑步。我的最大wake up call係當『慌張西望』都有做跑步訪問而第日係樓下大堂撞到陳C9時， 她會問我: 「陳伯， 跑完渣馬行到嗎?」我就知道跑步已成功入了屋。
潮流自然會產生『潮語』， 唔係潮語浸信會個種潮語，是「潮流用語」的簡稱。是在社交媒體內跑步群組常用的流行用語， 是一種in group語言。隨著互聯網流行，這些用語亦透過網絡流傳而被人認識。
『潮語』像「聞西密碼」， 往往令外人感到撓頭， 不明所以。感謝眾谷友幫拖，我嘗試整理常見的『潮語』跟大家分享。至於出處， 真是無從稽考，如有錯漏， 懇請圍插。
1. 院友
院友是指一班長跑愛好者。我們熱愛跑步程度已達到警界級, 淩晨跑﹑中午唔食飯都要跑﹑黃昏跑﹑深夜又跑。今年一月份香港落雪那天，我乘巴士回家途中見到一位Janice Man look、身材正、超索師姐沿著海濱長廊練跑, 外面氣溫只得一兩度(親子ＸＸ家長話的,所以要停課)，還下著雨, 仲要著咁少,真係我見猶憐。當時，我有衝動想大嗌「司機有落!」,下車給她一個堅實的擁抱。坐在我前面穿兩件羽絨的大嬸跟佢條佬話：「啲人都黐線嘅，咁凍都跑步！ 」條佬接著說：「都戇Ｌ鳩，凍Ｑ死啲仆街就啱喇。」
點解咁毒舌？因為我們做到他們做不到的。我們是黐線的，但並不代表有精神病。我們是癲嘅，但會比很多人正常。
2.院長
有院友自然有院長。院長是用來稱讃長跑運動中有進步的跑友或神級的跑友。
----- 廣告 Ad -----
3.走失院友
一班熱愛長跑的朋友相約一起練習, 練習一點都不枯燥,有周遊烈跑、日壩夜壩、落馬州羅太豆腐花等等。
4. 返屋企
跑友在青山公路進行慢速長課練習時，途經小欖精神治療中心….個路牌時，都有愛•回家的感覺。
5.〔有病就要〕覆診
作為合資格院友，定期跑步練習和做其他輔助訓練是必須的，可以說是基本義務，所以像長期病患一樣要定時覆診。
6. 個谷
是指「長跑長友」Facebook群組。谷這個字帶點武俠小說色彩,如惡人谷。事實上，谷內有很多crouching tigers hidden dragons,奇人異士，例如第一次試腳跑半馬，時間是一小時廿五分 (post在Facebook的 screenshot)。谷內亦見到很多拔刀相助同一呼百應。當然開拖、還拖、幫拖少不了，有時去完個小便返來,爬文都爬唔切。
7. 花生友
有隻揪群毆,自然有抽離地閒聊搭訕的網友。花生友是他的稱呼。
----- 廣告 Ad -----
8. A神
要怪就要怪他,一切都因他而起，A神@長跑長友Facebook群組
9. 女人
喜愛cosplay跑步的runner-blogger 烈女卡文@長跑長有Facebook群組
10. 行街紙
跑友(通常是男的)配偶所發出的不反對短途練跑通知書。距離普遍在十公里內﹐要走四分三十到五分鐘一公里pacing，在一小時內完成返回屋企。
11. 簽證
跑友(通常是男的)配偶所發出的出入境批准﹐可以去比較遠的地方如青公、西貢、港島、大嶼山作較長途練跑。
12. 批文
跑友(通常是男的)配偶所發出的離開香港參加海外比賽的不反對通知書。這需要十分良好的信貸紀錄和守行為﹐方獲得發出。
13. 監頭
睇落都幾慘? 特別是有家室有小朋友的男跑友。照顧屋企實在不容易，所以配偶總希望跑友能多點時間留在家裡。當跑友想跑而不能跑時，會有在囚的錯覺,把監頭形象投射在配偶身上。
14. 小獄卒
是指跑爸或跑媽的小朋友。在囚跑友同小獄卒關係要好,小獄卒見跑友跑完後好開心,自已都想玩埋一份,跑友都想親子跑。但要過監頭一關，須考慮體能，兼顧功課、學琴、學畫、學英文，普通話的時間安排。
15. 交人
跑友的配偶要求即時中止長跑練習並迅間轉移到其面前作交待。原因可能是囝囝瀨屎、囡囡不肯做功課、身體唔舒服或者要跑友帶小朋友到樓下放電。
(待續)
更多：
Fitz.hk Facebook專頁
寫給港．跑女的跑步禮儀篇
港版跑步53條
越跑越窮至真
Yiu Kwong Chan＠Fitz.hk
Fitz Running 跑步
----- 廣告 Ad -----
