----- 廣告 Ad -----
香港耐力運動員 Lena Tsang (Lena Mama) 4月完成了撒哈拉沙漠馬拉松後,7月帶著她13歲的兒子 Javis 飛到蒙古共和國,參加 MONGOLIA Action Asia 3 day Ultra Marathon。
Lena 在女子組奪得季軍,而 Javis 成為賽事史上最年輕的完賽者外,更跑贏不少成年人,取得男子組第五名,以及18至29歲分齡組別冠軍。母子兩人分別撰文,分享完賽感受。
媽媽 Lena Tsang
今年5月份我自己完成了人生第一次沙漠比賽,在撒哈拉七天跑了250公里。回家後,囝囝 Javis 話呢啲比賽很有趣,亦想挑戰一下自己,所以我就和他一起報了蒙古三天100公里賽事。
整個比賽的天氣環境都很適合跑步。第一日出發時天氣晴朗,望見一望無際的大草原,真係覺得很夢幻。差不多到20公里時,天氣突然轉差,落大雨轉凍兼行雷,四週無人,心裡有點擔心,畢竟不是自己地頭,又帶著 Javis,唔知佢會唔會 keep 住跑完? 因為當速度慢下來,大家都會有低溫危險。最後,還好 Javis 咬住牙根跑回終點。
![](https://i0.wp.com/fitz.hk/wp-content/uploads/2023/07/Lena-Mongolia-20.jpg?resize=1220%2C730&ssl=1)
大會相片: Lloyd Belcher Visuals
第二日天氣很好,有陽光溫度大約20幾度,路況除有草原亦有沙漠,路上還遇到唔同嘅牛、羊、馬群,真正感受到回歸大自然。本來一切美好,但又遇上「驚喜」,話說大會話今日路程38公里,但實際跑出46公里。對於 Javis 新手來講,應該心理上有落差會很沮喪,但奇怪的是,佢不但無怨言,還會自嘲無緊要的,幾多公里都好,都一定能夠去到終點。佢嘅心理質素,可能我自己都未必做得到。
終於到了比賽最後一日,只剩下餘下的20公里,天氣比較惡劣,落住雨天氣又凍,大約只有10度。有些跑手因為連續兩日push得太快,導致出現傷患,需以急行進行比賽,亦因天氣問題,有部分參加者選擇退賽。
----- 廣告 Ad -----
![](https://i0.wp.com/fitz.hk/wp-content/uploads/2023/07/Lena-Mongolia-23.jpg?resize=1220%2C692&ssl=1)
大會相片: Lloyd Belcher Visuals
在這些因素下,我清楚地解釋 Javis 知道,我哋只要一出發,無論咩情況都要keep住跑,停落嚟有低溫的話,大家都會有危險。佢全部收到晒,全程真係做到要求,雖然身體已經累積不少乳酸,佢亦無講過想停下來休息,呢一點我真的好佩服他。從呢個比賽中,Javis 好像突然吃了成長催化劑,變得穩重多了。
到大會宣佈成績時,我們也嚇了一跳,阿仔在全場男子組別獲得第五名,18-29歲的年齡組別第一,並且也是此項比賽裡最年輕的參加完成者。
亦因為他第一次參加比賽,我作為母親都一直在他身邊陪走,所以以他的完成時間,也為我添上了全場女子組別獲得第三名。今次的體驗除了成績以外,相信親子關係又會再大大拉近,而且亦令到 Javis 感受到做到自己嘅目標,那份滿足感,遠遠大於一切。
13歲囝囝Javis
![](https://i0.wp.com/fitz.hk/wp-content/uploads/2023/07/Lena-Mongolia-21.jpg?resize=1220%2C714&ssl=1)
大會相片: Lloyd Belcher Visuals
其實玩完成個比賽,整體嚟講都好滿足,首先風景好靚,每日行嘅地方都唔同;之後見到有人帶唔夠物資,同媽媽一齊分享俾人,見到人哋滿足嘅笑容,自己都好開心。
比賽第一日大家都體力充沛,跑得好落力,所以不知不覺間好多人都跑到好攰。
到了比賽第二日,由原定嘅38公里變咗46公里,好彩有屋企人嘅鼓勵,我先可以堅持一步一步咁慢慢行完。不過,亦因為咁其他選手係第一日跑快咗,去到第二日嘅時候開始亦出現傷患。
第三日,天氣變得好差,落大雨和天氣得大約10度,因有一部份人本身已經有傷患,亦有一部分人擔心天氣狀況,佢哋都決定退賽。
----- 廣告 Ad -----
![](https://i0.wp.com/fitz.hk/wp-content/uploads/2023/07/Lena-Mongolia-19.jpg?resize=1220%2C701&ssl=1)
大會相片: Lloyd Belcher Visuals
而我覺得比賽機會難得,所以想點都頂埋佢,才有幸進入全男子總排名第五。
Fitz: 在此再次恭喜 Lena Mama 同囝囝 Javis,取得好成績!
大會相片: Lloyd Belcher Visuals
其他相片: Lena Mama
主辦: Action Asia Events