----- 廣告 Ad -----
日本跑界有「市民跑者」川内優輝,他以全職公務員身份跑出佳績,繼而入選日本國家田徑隊,全馬 PB 2小時08分,成為不少日本人心目中的英雄。
距離日本2786公里的香港,我們也有「鷹鷹」曾進傑。他是政府轄下的救生員,以業餘運動員的身份,創出各項驕人成績。他既是三項鐵人界無人不識的選手,於2009至2013年,連續5年奪得「香港三項鐵人總會」全年總成績冠軍,亦是越野跑比賽頒獎台常客,更是樂施毅行者2015年冠軍,創出全香港人隊伍最快紀錄 (11小時58分)。
而這位運動強人,絲毫沒有高高在上的態度,笑著臉向大家分享他「沒有奇跡,只有累積」的故事,聽他娓娓道出一段段往事,本身也是一種享受。
一切由救生員開始
鷹鷹:「大概八、九年前,我大概26歲,搭輕鐵時,無意間見到有人跑步。因為我中學時代有參加過學校跑會,咁就諗住再跑返啦。點知第一次跑,發覺自己竟然連3K都跑唔到! 咁我就覺得無理由吖,於是就開始去運動場跑,由3K開始,再累積由3K半、4K,咁樣慢慢再跑上去。最後可以跑到10K,就去報啲比賽,仲有獎攞下,咁就繼續跑囉。」
至於參加三項鐵人,完全是一種機緣。
「以前住屯門,公司喺天水圍,成日踩單車返工。有位同事問我,你又踩車返工,食飯時間又去游水,間中又有跑步,點解唔玩三項鐵人呀? 嗰陣我連三鐵係游水、踩單車、跑步呢三個項目都唔知,咁就參加咗一個水陸兩項嘅比賽,游水同跑步。第一次比賽,竟然可以攞第二!」
鷹鷹在2008年開始投身三鐵運動。2009年,已成為香港三項鐵人總會全年總成績冠軍。
----- 廣告 Ad -----
至2013年,又受到朋友邀請,參加樂施毅行者,他抱著 cross training 的心態跑上山,又開始他在越野跑界的奪獎之旅。
圖書館就是教練
對鷹鷹來說,成為運動員,且晉身頂尖行列,絕對是一件自然而生的事。他說:
鷹鷹:「最初玩三項鐵人,我完全無項目與項目之間嘅適應問題。我諗係因為我每日都差唔多做晒呢三項運動。雖然我都未知三鐵係咩一回事,但我相信係因為身體嘅肌肉,已經適應咗項目嘅轉變。」
鷹鷹成為頂尖運動員的故事,實在值得我們這些只在工餘時運動的朋友借鏡。鷹鷹強調,他因為習慣了水上陸上各項運動的交替訓練,所以在這9年的運動員生涯,他遠離嚴重傷患,也令他更享受比賽。
而且,他無論是三鐵、越野跑訓練,以至比賽時刻,都沒有聘用專業教練,技術上、戰術上,所有知識都是自己鑽研得來的。
「我自己好鍾意睇書,好多跑步知識喺書學番嚟,加上平常會請教下人啦。
其實公共圖書館裏面,講跑步嘅英文書好多元化,涉及嘅知識亦好廣。以前互聯網都未好普及,但係公共圖書館已足夠我去吸收知識。
無錯,睇書學跑步始終有些少紙上談兵。不過我就根據自己落手去試,都可以學到唔少嘢。好似話interval、tempo同 LSD,都係靠我自己喺運動場試,試一個適合自己嘅訓練方法,然後再調較。至於呢三種訓練方法點樣去配合,完全係靠自己。再講,我之前自己每日游水、踩車同跑步,而家睇番原來呢啲叫 cross training。咁睇完書之後,就更加識得點樣去運用呢種訓練方法。」
成績好,亦不代表要追逐時間。鷹鷹多番強調他為了享受,才去參加比賽。
----- 廣告 Ad -----
「而家主要都係出國比賽。因為我喺香港嘅比賽,都只係玩一次就算,除咗毅行者,因為呢項活動講求團隊合作,每一次參加都有唔同體會。
我由8年前開始參加比賽,到而家呢一刻,玩比賽嘅目的都係為咗享受。我從來唔理時間,好多時比賽連錶都唔會戴。」
不戴錶比賽也可經常上頒獎台,這位「市民跑手」的能耐絕對是深不可測!
![](https://i0.wp.com/fitz.hk/wp-content/uploads/2017/06/三鐵奇俠-鷹鷹專訪-一切盡是享受-2.jpg?resize=760%2C506&ssl=1)
2015年鷹鷹與隊友奪得毅行者總冠軍。圖: 鷹鷹個人 Facebook
與音樂為伴
無論三鐵比賽,以至越野跑,每次訓練的時間都很長。鷹鷹不諱言,在訓練及比賽都有沉悶的時候。除了配戴運動手錶,他還會使用智能運動藍牙耳機,因為他喜歡在這個時候聽音樂。
「每次訓練都要五至六小時,在訓練同比賽時聽音樂,絕對可以打破沉悶感覺,同埋可以激勵自己!」
過去,鷹鷹使用過有傳送線的藍牙耳機,但在跑步以及游泳時,總會覺得不便。最近,他使用了 Bragi The Dash Pro 這款微電腦智能耳機 (Hearables),耳機「真無線」的設計,解決了這個問題。而且,入耳式的 The Dash Pro 相當貼耳,就算劇烈運動時也不易掉出。
講到 Bragi The Dash Pro 的功能,當然要數它的防水設計,完全設合了鷹鷹的需要:
「其實最方便就係喺游水嘅時候。每次我都要游大概30個塘,以前成日都數錯圈,而呢款耳機就可以幫你數到換氣次數,從而計算返距離等數據,非常方便。」
而在跑步、踩單車時,也可使用「音頻透明模式」(Transparency mode),可接收周邊環境聲音。還有,Bragi The Dash Pro 可連續播放5小時,就算是鷹鷹的長課訓練,也可以隨時使用充電盒為耳機充電,最多可充電5次,足夠應付有餘。
還有,Bragi The Dash Pro 還有一件秘密武器,可以透過 AI 及 iTranslate 即時翻譯程式 (iOS, Android),即時翻譯40種不同語言,非常適合經常出外比賽的鷹鷹使用。如果對方也有 The Dash Pro 的情況下,更可以使用 AirTranslate 模式進行即時翻譯對話 (暫只支援 iOS)。
----- 廣告 Ad -----
而在比賽時……咦,比賽時可以聽音樂嗎? 鷹鷹氣定神閒回應:
「我通常參加的係業餘組別,越野比賽都可以戴耳機比賽!」
業餘組別!? 果然,是一位「市民跑者」!
即時了解 Bragi The Dash Pro 購買詳情: truewireless.hk/bragi
Bragi The Dash Pro 主要規格及功能
- 32bit ARM處理器
- 纖細輕型的時尚設計
- iTranslate即時翻譯功能 *(暫只支援 iOS)
- 自動偵測活動及心率
- 支援虛擬4D菜單操控,可用頭部動作選擇指令
- IPX7 防水設計,可用於水深1米下長達30分鐘
- 支援 iOS、Android 及 Windows裝置
- 平衡電樞式樓氏 (Knowles) 動鐵單元 (Balanced Armature)
- 音頻透明模式,可接收周邊環境聲音 (Audio Transparency)
- 內置4G容量,可離線播放曲目
- 內置多種傳感器監控運動情況、心率、和卡路里消耗等一系列指數並通過語音報告
- 長達5小時連續播放時間
- 2200mAh鋁質充電盒,可額外爲耳機充電多達五次
查詢:LRT (電話:2395-3913)
詳情:truewireless.hk/bragi