剛過去的 HK100 為毅行隊友做 supporter，是次角色不同，第一次做 supporter，也深切的感受到 supporter 的重要。
晚上12點到達城門水塘 CP8，那裡已經有不少人 set 好架步做 support，大家裝備超齊全，帳篷、爐具、蒸籠、熱水壼、瑜珈墊、被、帎頭，應有盡有，另外，亦有跑會 set 咗幾個 booth，support 規模尤如大會！當然他們不只 support 一人，陸陸續續都見到有人享用這 support 點！
----- 廣告 Ad -----
興奮的參觀過後，整頓一下心情去準備 support，12點55分，企定係樓梯口準備迎接我的隊友。
12點59分隊友係佢預計的時間準時出現，此時，作為 supporter，我的感覺就猶如 F1 入 Pit一樣，要即時檢查車手狀態，check車及更換裝備，分秒必爭，務求令車手係最佳狀態下再出車錬過。
我立刻引領他到我們的support點。
我：「先坐低，回氣。」與此同時，我幫他卸下水袋。
我：「食咩？」隊友：「杯麵。」我：「咩味？」隊友：「雞肉。」我：「好！」
一切的對話都簡而精，我轉身就幫佢拿咗個雞肉味杯麵遞到他面前，而他食緊的時候，我亦為他的水袋加水，手錶手機充電，檢查佢個袋有咩缺少，再補給需要的東西。
而自己在support期間一直保持住最高作戰狀態，隨時準備侯命。
----- 廣告 Ad -----
一切準備就緒，當佢再次上路的一刻，我的心情亦由亢奮，變成沉重，因為深知隊友體能100，但就係難頂眼瞓，係已經差不多20小時沒睡過的狀態下，我深切的感受到他的疲憊，但今次不同毅行，這次我不能同佢一齊頂，只能拍拍搏頭，說一句：「終點見，加油！」
送別隊友後，已差不多2am，回到家，冲個涼，小休片刻，5am再出車準備去迎接隊友衝線！作為一個曾經的參賽者，我覺得有人係終點等自己及接自己回家真係無比重要，那種感動就猶如軍人打仗過後見到親人及再次回到舒適的家。因此就算幾眼瞓，作為一個專業的 supporter，我準時出車 😂 去終點的途中也有同隊友聯絡，得知佢可能俾預計時間快（超勁！臨尾仲可以跑針草㡌），心情好緊張，怕自己會遲過佢衝線，那一刻明白到原來不止參加者要衝時間，其實每一位 supporter 都與參賽者同步的一齊衝💪🏼
總括而言，在整個 support 過程，落場砌嗰個故然辛苦，但亦不能忽視每一位 supporter！每一場比賽，每一隊員，每一角色也同樣重要！曾經做過長途的參賽者，深切的感受過在無盡漫長的路途中，在每個 CP 點見到 support 自己的朋友及家人的那種感動。他們提供的不單單是食物及物資，更重要的是他們的支持及鼓勵，對於已經行到唔想再行的參賽者，supporter 的支持，尤其是一句「撐下去」絕對是令參加者繼續下去及完成的重要「補給品」。
恭喜隊友黃狗於目標時間內完成！
最後，衷心的感謝及佩服每一位supporter! 你們都是每一個賽事的重要一員！望以此文向你們致敬！
另外，臨近新年，亦在此祝各位山界朋友繼續長玩長有！
更多:
Fitz.hk Facebook專頁
[HK100] 第一個個人賽敗陣
[毅行者2016] 人生中最寶貴的一課
Fitz Running 跑步
