----- 廣告 Ad -----
前言
每個人一定有一個跑步故事。無論,你係揚威奧運,定係只不過係細路時候玩「捉依因」,你一定體驗過跑步帶畀你嘅快樂。
呢次,我哋去到香港最北嘅沙頭角。呢位沙頭角村長,佢個女一定唔係李愛 (因為佢唔係姓李),不過佢肯定係一個跑痴,仲係中毒好深嗰隻。
![呢項比賽,對四哥極有印象。因為完全係主場作賽,仲會跑過自己屋企。](https://i0.wp.com/fitz.hk/wp-content/uploads/2016/08/2一人一中毒故事-前沙頭角村長Sub-4無難度-_益能康系列賽第二站-沙頭角探秘跑.jpeg?resize=760%2C397&ssl=1)
呢項比賽,對四哥 (右二) 極有印象。因為完全在主場作賽,仲會跑過自己屋企。
----- 廣告 Ad -----
一句說話成為跑痴
藍天,人稱「四哥」,2004年成為沙頭角新村村長,今年49歲。呢位村長,一直以為自己無運動細胞,直到2008年,隔離村平時有跑步嘅毛村長,就搵埋四哥一齊跑步,仲話:
「其實你外形都幾跑得下,不如一玩下啦。」
就係咁,四哥以41歲之齡,踏上跑步之路。不過佢話佢自己當時只不過「盲目追求里數」,喺大埔吐露港「亂咁跑下」,乜訓練計劃都無。操咗半年,到2009年,報名參加2009年嘅渣打馬拉松全馬。
唉,佢咁講,令筆者諗起當年渣打全馬係唔使成績證明,又唔使鬥快報名嘅唏噓往事!而且亦覺得好奇怪,之前又話自己無乜運動細胞,搞乜一嚟就跑全馬?咁最後跑成點,使唔使上巴士呢?
四哥答:「嗰年跑咗3小時43分咋。」
----- 廣告 Ad -----
?!
![話四哥係跑痴一啲都無錯。最佳證明,就係佢周遊列國咁跑。左邊喺台灣,右邊係北海道。](https://i0.wp.com/fitz.hk/wp-content/uploads/2016/08/一人一中毒故事-前沙頭角村長Sub-4無難度-9.jpg?resize=640%2C569&ssl=1)
話四哥係跑痴一啲都無錯。最佳證明,就係佢周遊列國咁跑。左邊喺台灣,右邊係北海道。
人人都話「長跑無捷徑」,操練半年,就可以跑Sub 4,係咪沙頭角啲水土一如肯雅,人人天生係跑手?
四哥話:「我話我無運動細胞啫,但係我其實有做開運動。以前成日喺屋企跳繩!」
答案竟然咁簡單!
認真練跑 VS 越跑越短
補充一下先,唔係以為好似講到好巴閉,佢講自己跑史嘅時候,完完全全好淡然,你亦Feel唔到佢好執著每一分每一秒。
正如當佢講到參加陳家豪嘅跑會,佢只係好平淡咁話:
「2009年之後,年年都有跑渣馬,唔使點練之下,都係3小時30分咁上下。不過之後覺得自己年齡開始大,所以參加咗家豪嘅跑班,希望可以跑多幾年啦。」
![參加陳家豪嘅樂家跑會後,就認識了「師母」姚潔貞。](https://i0.wp.com/fitz.hk/wp-content/uploads/2016/08/一人一中毒故事-前沙頭角村長Sub-4無難度-1與師母姚潔貞合照.jpeg?resize=592%2C700&ssl=1)
參加陳家豪嘅樂家跑會後,就認識了「師母」姚潔貞。
但係,人始終敵唔時間流逝。呢幾年,四哥因為工作關係,已經練少咗長課,亦唔好彩成日受傷。所以佢已經無跑全馬,大部份都係參加10Km以下嘅賽事。
----- 廣告 Ad -----
四哥今年仲喺吉隆坡嘅10公里賽,以44分鐘完賽,年齡組別排行第6,確實係寶刀未老。
四哥強調,跑步唔單只係鍛煉身體,其實仲可以修煉人性:
「喺跑班識嘅朋友,全部都係好人嚟!跑步嘅人,一定唔會食煙,唔會飲酒,更加唔會吸毒。咁健康嘅活動,點解唔繼續玩?」
![今年去吉隆坡跑10K](https://i0.wp.com/fitz.hk/wp-content/uploads/2016/08/一人一中毒故事-前沙頭角村長Sub-4無難度-吉隆坡馬拉松_.jpg?resize=760%2C401&ssl=1)
今年去吉隆坡跑10K
跑步與慈善
四哥為人咁正直,除咗做村長之外,亦有喺自願機構做義工。
佢喺五年前,參與過小母年嘅雲南採訪團之後,決定以行動支持。四哥解釋:
「小母牛呢個組織,唔同一般慈善機構,佢唔會將善款直接畀受惠人士。而係鼓勵佢哋自力更生,例如利用善款去購置農具、家畜,希望可以改善佢哋生活!」
佢仲話:「當你參加佢哋嘅探訪團,你就會感受到當地農民情感,你真係會覺得幫到佢哋!」
四哥積極鼓勵小母牛舉辦Race to Feed長跑活動!而今年Race to Feed 10公里長跑賽,亦會親身落場!
報名及詳情:小母牛Race to Feed 2016
----- 廣告 Ad -----
所有參加者凡於9月16日前報名可享有早鳥報名優惠,先報先得額滿即止!
更多:
Fitz.hk Facebook專頁
[年少多好] 跑步環台1000公里 HeHe畢業之旅
[專訪馬高教練] 同你講心的魔鬼
一打激勵人心跑步金句
Fitz Running 跑步