住宿篇
1. 住近會場，巨蛋博覧館？
- 唔駛住近巨蛋㗎！舉個例，嚟到香港，喺大尾督跑，咁都唔駛4日3夜，住大尾督咁遠㗎嘛！
2. 咁揀邊區住比較好？
- 可以選住「榮站 」或 「名古屋站」，因為都會去這兩個地方飲丶食丶玩丶買。
- 「榮站」似油尖旺，很熱鬧，很多細鋪，買嘢食嘢選擇多丶而且價錢平，多年青人行逛，食店丶商店都開得比較夜，仲可以掃街吃地道小食丶食串燒。地標摩天輪就座落在榮。
- 「名古屋站」似中環，多百貨公司及名店丶白領儷人打扮得斯文靚靚丶地方乾淨整潔丶是各鐵路的中心交貫點丶地鐵30分鐘直達機場，並有大型車站丶高速巴士出市郊地區，如飛驒高山丶白川鄉等等。
名馬行程小分享
星期五：Yeah 出發，Yeah Yeah Yeah 到埗，由機場搭30分鐘地鐵到名古屋站，步行10分鐘到達租住的Airbnb小屋，行行逛逛飲飲食食，記得晚上要加碳啊！先食名古屋名物「矢場味噌豬排飯」，還記得當晚 Facebook 被好多碟豬扒飯洗版，超級多跑友去這裡加碳。深宵，和跑友們到居酒屋輕鬆一下。
星期六：遊覧景點～熱田神社丶名古屋城丶豐田汽車博物館(點都要滿足下後援團)，下午去馬拉松Expo 取號碼布丶行行買買影影影，記得要為明天視察環境啊！要留意下由居住地搭車去會場的路線及交通時間，還要準備明天早餐！晚上，繼續去食名古屋名物「蓬萊軒鰻魚飯三吃」，繼續努力加碳！
星期日：今天，我要追夢呀！早上很凍，6點幾出門，氣溫只得4度，要穿羽絨丶戴帽丶戴手套！先去24小時吉野家，食個早飯，月台丶地鐵全都是掛上號碼布的參賽者….42.195公里！Tiffany！燕尾服美男！好夢幻！跑完，跛下跛下去榮站，吃喝玩樂，拉麵丶鐵板鐵丶串燒… 吃到不亦樂乎！
----- 廣告 Ad -----
星期一：由名古屋搭高速巴士到高山市，大約兩個多小時車程，由繁華的市區去到寧靜的郊區，沿途見到一座座雪山，來到高山市，好寧靜，好舒服，落緊雪，好凍，我們入住一間古色古香的温泉旅館，泡湯泡湯，鬆腳呀！鬆腳呀！好溫暖，好放鬆！晚上，梗係食飛驒牛啦！人氣名店有兩間，「味蔵天國」及「丸明」，兩間燒肉店的質素都非常好！
星期二：早上，原本打算在「高山老街」遊覽一下，之後坐巴士到白川鄕。但天氣實在太凍了，下著雪，我們根本不能停留在街上遊覽，於是我們租車自駕遊，車上有暖氣，舒服得多。高山老街充滿日式古典和風的感覺，古色古香，是國家重要傳統建築物群保存區，周圍古老的和風建築，讓人感覺寧靜丶身心靈放鬆！吃貨好記得街上有「飛驒牛手握壽司」丶「飛驒牛串燒」超好味！
駕車一小時左右，到達最美麗景點「白川鄕」，白川鄉的合掌村乃是世界文化遺產，下著雪，特別美，但很凍，幸好租了車，可以開車四圍遊覽，我們購票進入合掌村的屋子內參觀，記得上山上的展望台，看看整個白川鄕，像白色的童話國度，尤如仙境般美！
晚上，再返回高山吃飛驒牛，「味蔵天國」及「丸明」，兩間燒肉店都非常好！一晚試一間！正！好味！
星期三：今天，要bye bye 了！浸浸溫泉丶行行逛逛丶吃早餐，由高山，返到名古屋，再吃名古屋名物「世界之山 手羽先」，買買買吃吃吃，30分鐘出到機場，返香港Lu~~
----- 廣告 Ad -----
姐妹們，加油啊！Tiffany 喺終點等緊你呀！50個燕尾服美男丶型男，喺終點等你呀！
更多：
Fitz.hk Facebook專頁
[H.I.S. x Fitz.hk 七月大搞作] 核心訓練，衝衝衝!
[H.I.S. x Fitz.hk 七月大搞作] 烈陽衝斜路! 跑上荷蘭徑!
[跑食地圖] 去太安樓掃街
[跑食地圖] 去寶雲道晨跑，再食大早餐!
靚媽[email protected]
