[從0到42.195]「起機」十五招

世界上最短跟最長的距離原來是同一個距離，就是從0到42.195公里。這是一個比喻，是指從心動到行動，可以在下一秒發行，亦可以永遠不會發生。認識一位老闆，足足講了十幾年太忙無時間做運動，到現在搵夠退休，一天多了十四小時空閒時間，仍然動也不動。

跑步跟談戀愛一樣，開始時已經不容易;開始後要維持更難。讓我用pseudo psychology去老吹一些九唔搭八的『跑步培慾』方法:

1. 必先利其器
這招只適用於已婚男士。搵日同太太講想開始跑步，要她陪你去購買裝備，總之唔貴唔買，我建議先到Nike Lab x Undercover 掃 Gyakusou. 鞋係成叉幾嘢的限量日版，仲要買三對，預咗交替著。之後再到2XU買visor，長短袖compression，長短tight，jacket，calf guard，headband，arm warmer，襪及手套等等。仲有Oakley黑超和Garmin Fenix跑步錶。聽歌的話，還要買Bose防汗防水headset.帶手機跑，要買至貴armband或flipbelt. 無兩皮嘢，唔好收手。

Here’s the trick.回家後，把所有戰利品不拆盒﹑不拆袋﹑原封不動放在家裡最當眼位置，靜候太太發難。

當太太忍無可忍喝罵你: 「你係唔係男人(或者更應棍的)係唔係人嚟架? 買哂啲嘢返來，又唔跑，做咩都係得個講字[下刪三千字]。聽到這裡，如果你是一個正常人，你立刻會全部著哂上身，出外邊走一轉。我擔保你，索一索，舒筋活絡，聞一聞，醒腦提神，一，個心唔會兩頭擺添。由始你會愛上跑步。

2. 我要創世界紀錄
你想不想擁有一項自己的世界紀錄呢? 在跑步比賽裡，原來不一定要最快，才可以刷新一項世界紀錄。

3月13日星期天，川內優輝參加了“久喜馬拉松大會”的半程小比賽，川內此次參賽的裝束十分獨特搶眼：一襲日本白領上班族的標準打扮 — 全套深色西服，恤衫領呔，背心，腰繫皮帶……就差腳下穿的不是亮麗的皮鞋，而是一雙深色跑鞋。

川內優輝 (照片來源: jogstars.com)

最終川內以1:06:42完走，獲得第三名，這一成績將穿西裝跑半馬的原世界紀錄大幅縮短18分鐘。可惜的是：新紀錄恐怕不會被承認。

西裝半馬健力士世界紀錄1:24:41，是美國服裝業CEO Gihan Amarasiriwardena去年12月創造的。

照片來源: laughingsquid.com

Gihan穿的比賽服，正是自家公司出品的“Aviator 2”西裝和Apollo襯衫，它們號稱擁有“一套跑步衣褲的全部功能”。

另外，在美國有女跑手扮成一隻熱狗完成了一場馬拉松而入了健力士世界紀錄大全。

更多資料可在Runners’ World找到：
I Ran a Marathon as a Hot Dog–and Set a World Record
How to Set a Guinness World Record for Racing in Costume

3. 我為秋香

照片來源:互聯網

對於一些男生來說，媾女是一股強大推動力。想開始跑步，可以參加跑步團或訓練班。由於跑步女生多正妹，你一定會找到你的『秋香』。 因為她，你會day day 跑，更不會缺席任何一堂訓練課。你渴望成為一個更強﹑更快的跑手去吸引她的注意。但要謹記媾女只是a mean，不是an end. 媾女只是a mean to an end (令你開始跑步)。所以媾唔媾到女，不重要同無所謂。

4. 擇啱時辰
研究結果顯示在某些情況下訂立目標，達成機會會較高。第一種情況是被女飛，霎時間你會多了時間，而跑步是最佳排遣方法。那麼被仔撇可以嗎? 可以但目的不同，目標是要報復，而方法是活得比你好，所以要keep fit，靚一靚去取悅自己。

另一個較old school方法的是在生日party裡向全世界宣佈生日願望是完成一個馬拉松。聽聞愛迪生都係咁做。

失業就唔好喇! 第一時間搵工好過啦!

5. 跑步結合興趣
做愛做的事情好重要，如果可以把興趣結合跑就是最理想。例如我的一位爛賭朋友跟我們打賭他可在四個月內從零到完走一個四十四分鐘的十公里。

我的興趣是飲飲食食，最喜歡庶民美食，超愛乾炒牛河。通常我會從利舞台出走，經南華會，去大球埸，上大坑道，再由寶雲道跑落灣仔，最後入馬場走外圈，先至可以去何洪記。

6. 妳值得擁有
Tiffany 當然是男朋友送架啦! 除了名古屋女子馬拉松的完成頸鍊。比賽時限是寬容的7小時，港 跑女們，下一站名古屋。

7. 年年驗身，令你放心
一般香港人驗身，都不會有好結果，醫生會建議你注意飲食和多做運動。要有效，驗身報告要加上你的小朋友先得，因改變動力是來自你要為他們樹立良好榜樣。

8. 人人都可以出名十五分鐘 Andy Warhol
把自己從零開始的跑步的歷程拍下來，放上YouTube，說不定會go viral，得到大量支持和鼓勵。

How I changed my life in 20 weeks

有厭食症患者，醫生都攪唔掂，最後竟然是網民留言救了她。

9. 為小朋友籌旗
身邊若有親朋戚友的細路有濕疹﹑癣疥﹑小兒驚風等奇難雜症。跟他說你會為他跑步籌醫藥費。

10. 被踢入會或踢人入會
加入跑會/團是常識，但慎防中伏。有慢腳朋友因為太大差異對待而憎恨跑步，同時亦見過『慢腳友善』的跑會/團，在一次比賽差不多結束時，仍有一班大落後的接力隊伍在努力中，當時主持人叫最先完成的一隊去陪跑，但不要給壓力，快腳師兄師姐笑著鼓勵慢腳完成，很窩心，慢腳由此愛上跑步。

或者自己係公司帶頭開個跑步group. 責任越大，能力越大。

11. Finding Your Greatness
找一些激勵金句去啟動自己。

Nike經典廣告，你不起動，我不相信。

或者是Mark 哥個句: 「三年，我等咗呢個機會足足三年！我咁做，唔係要話俾人聽我威！而係要話俾人聽，我冇咗既野(六塊腹肌)可以親手攞番!

12. 音樂 + Baby Steps
方法是先煲洛奇一二三集，再download Rocky Balboa Theme Song同Eye of Tiger. 但不要即時去跑步，你要係自己身上耍一個psychological trick. 你要做的是去附近一個運毒場睇人跑同感受氣氛，第二天先開始「行 → 跑 → 行」慢慢完成三十分鐘練習。到十分鐘cool down，才聽Rocky Balboa Theme Song，最理想是搵到條石級樓梯鳩衝，上到頂你知要做咩啦! 慢jog 時要聽Eye of Tiger去end with a high note.

13. 最緊要靚[過佢]
消費心理學告訴我們，令你變得年輕和美麗的產品是好賣過標榜令你健康啲的產品。後生﹑靚[過佢]是最大推動力。

14. 影寫真
女生最fit通常是在結婚的時候。試吓同女朋友講一起跑步keep fit影一輯寫真. 或者跟太太講影一輯結婚周年紀念相。花少少錢令自己建立跑步習慣都是值得的。

15. 洗底
由愛迪生開創的洗底方法，適用於『偽人』身上，希望透過跑步改變形象。仍有些少娛樂新聞價值，唔知還可以維持大多久。

更多：
Fitz.hk Facebook專頁
寫給女生看的男『尖』Room風光 (一)
跑步潮語字典 (上篇)
寫給港．跑女的跑步禮儀篇
Yiu Kwong Chan＠Fitz.hk
Fitz Running 跑步