[東京馬拉松] 非洲跑手惡鬥 有望創造人類歷史

2016年東馬起步，幾位非洲跑手立即帶頭。

過咗去日本跑東馬嘅香港跑友，而家梗係關心Expo要買啲乜，加碳食拉麵定係牛肉丼。對於我哋呢啲留守香港，得個睇字嘅朋友，就梗係關注今屆東馬有咩亮點啦。

今屆東京馬拉松，將會採用新賽道，比往年更為平坦，絕對有利跑手造出好成績。

2013年，Wilson Kipsang喺柏林馬拉松做出當時嘅世界紀錄。

----- 廣告 Ad -----

高手之中，以肯雅嘅 Wilson Kipsang 呼聲最高。佢係前世界紀錄保持者，個人最佳時間係2小時03分。去年九月，佢已經喺柏林馬拉松將個人最佳時間推前10秒。今次去到呢條比柏林更快嘅新賽道，佢喺賽前聲言要打破世界紀錄！

而家嘅世紀錄係2小時02分，由肯雅跑手 Dennis Kimetto 喺2014年柏林所創。

Dennis Kimetto 2014年東馬奪冠。

另一位肯雅跑手 Dickson Chumba 亦不容忽視。佢係2014年東馬冠軍，更保持2小時05分呢個場地紀錄。呢幾年間，Dicksonb持續進步，個人最佳時間已達到2小04分，絕對有力爭標。

而埃塞俄比亞跑手Tsegaye Kebede，同樣擁有2小時04分嘅 PB，有一定實力。

三位跑手喺今年東馬嘅資料：

主辦大會透露，新嘅賽路除咗較為平坦之外，同時亦過少咗一條橋，時間相信比往年更快。而且，世界各地唔少媒體都估計呢場「六大」賽事，有機會一破世界紀錄，甚至更有望將人類跑馬拉松嘅時間，衝破2小時之內，即係大家講嘅Sub 2！

資料來源：Sub 2

• 日期：2月26日 (星期日)
• 全馬起步時間：早上8:10 (香港時間) (日本時間9:10)
• 最後完成時間：下午3:10(香港時間) (日本時間4:10)
• 路線：東京都庁～飯田橋～神田～日本橋～浅草雷門～両国～門前仲町～銀座～高輪～日比谷～東京駅前・行幸通り