快腳講PB，慢腳講DQ。對我呢啲慢腳嚟講，自己PB嘅時間未必記得，不過一定要記住各個關卡嘅落閘時間。事關一夠鐘，據講會有個大網封死條路，你唔上巴士都唔得！
落閘時間印咗喺賽事手冊第37頁：
(按圖放大)
注意事項：
----- 廣告 Ad -----
- 根據往年經驗，頭幾組就算過咗鐘都唔會有人捉。所以壓力最大嘅選手，就係「全馬2組」(7點起步)嘅選手。因為一過鐘絕對無情講！
- 上面個表就無顯示距離，大致距離係咁：
- 第一關 (青朗公路入口，即汀九橋盡頭)：約20Km
- 第二關 (半馬轉折點)：約28Km
- 第三關 (西隧入口)：約33Km
- 第四關 (干諾道天橋)：約38Km
- 第五關 (馬師道天橋)：約40Km
- 我試過，在比賽中途完全搵唔到各個關卡嘅落閘時間，搞到要停低上網搵！原來，除咗各個關卡會顯示下一關之閉關時間，其他地方 (如水站) 都唔會顯示落閘時間。所以，如果自認有機會需要「衝關」，不妨寫住呢幾個時間喺手。唔使怕醜，其他人只會以為係你嘅配速表咋！
全馬路線、截跑點及補給站 (按圖放大)
總之一句，祝大家順順利利，跑過終點拎完賽牌！
家聯
為何要運動？去公園看看那些四五歲的小朋友，從跑跑跳跳所得來的喜悅吧！勿忘初衷，運動會令人快樂，難道我們都忘記嗎？