疫情期間唔少賽事都要暫停，為免減少浪費，不少主辦單位都將獎牌、比賽tee等紀念品重用。早前結束的無錫馬拉松，就被揭發重用舊獎牌，引起不少人不滿。
有無錫馬拉松參加者收到今年獎牌，發現製作粗糙。獎牌外圈貼上一層金屬片寫住 “2023 WUXI MARATHON”，不過金屬片貼得唔實，輕輕一扯就甩，見到原本獎牌係 “2022 WUXI MARATHON”。
收到爛嘅獎牌，選手當然甚為不滿，不過有人以環保出發，認為重用獎牌可減少浪費。主辦最終亦承認相關安排:
「2022無錫馬拉松延期至2023年舉辦，因賽事獎牌、參賽服、完賽毛巾當時均已設計製作，本著 “綠色節儉、低碳環保” 的辦賽理念，我們決定在2023年賽事中繼續使用以上三件物資，並對獎牌進行了局部修改。」
----- 廣告 Ad -----
有媒體引述知情人士指，話重用呢批獎牌可為大會慳番過百萬製作費。
獎牌有新有舊製造不公
為咗環保減少浪費，重用獎牌其實亦唔係咩大問題，不過因為2023年無錫馬拉松參賽名額比過去增加8000人，所以有8000個獎牌係新製作。於是，有選手會收到重用獎牌，有人就可以拎到個全新獎牌。
最後大會話獎牌可以「舊換新」，希望可以平息風波。
資料: 極目新聞
