疫情改變全世界人類生活習慣，其中西方社會一下子流行「後園馬拉松」，唔少人喺屋企後花園跑圈，成為避疫時強身健體嘅好方法。香港人要搵個可以跑步嘅後花園談何容易，不過轉下mindset，屋企無後花園都可以繞住屋苑跑。
「繞住屋企跑」有好多好處:
- 香港唔少大型屋苑外圍都有幾公里，比起運動場嘅倉鼠圈更大，唔會咁易悶
- 香港部份屋苑係依山而建，跑來有上有落，好有挑戰性
- 補給方便: 住宅區四周，一定有齊便利店、超市等補給地點，甚至返屋企飲啖水都未嘗不可
- 避疫好方法: 碰口碰面都係自己區嘅人，減少同傳播或感染病毒機會
- 有咩爽過一跑完就返屋企沖個靚涼?
下面粗略提供香港5大屋苑跑步路線，所選屋苑根據居住人口，公屋及私樓都有:
5大香港屋苑跑步路線
第5位: 太古城
- 簡介: 港島大型私人屋苑，居住人口達35,000人。太古城共有61座住宅大廈，提供逾12,000個單位。
- 近日新聞: 有居民跑步時被搶劫，從後力追，最後與途人合力成功捕獲劫匪
- 外圈距離: 2.4公里
- 路線: 太古灣道 > 華蘭路 > 英皇道
第4位: 秀茂坪邨
----- 廣告 Ad -----
- 簡介: 共有17座住宅樓宇，提供逾12,000個單位，共有36,944名居住人口，亦是全港人口第二多的公共屋邨。
- 外圈距離: 2.6公里
- 路線: 曉光街 > 秀明道 > 秀茂坪道
第3位: 美孚新邨
- 簡介: 全港第一個私人屋苑，分別於1968年至1978年期間落成，合共99幢住宅樓宇，提供逾13,000個單位，居住人口37,303。
- 外圈距離: 2.2公里
- 路線: 嶺南之風 > 荔灣道 > 美荔道 > 荔枝角道 > 寶輪街
第2位: 葵涌邨
- 簡介: 重建後嘅葵涌邨，是全港人口最多嘅公共屋邨，居住人口38,674。
- 外圈距離: 1.8公里
- 路線: 大窩口道 > 葵盛圍
----- 廣告 Ad -----
第1位: 嘉湖山莊
-
- 簡介: 嘉湖山莊分成7期發展成58座住宅大廈，共有39,964人居住。
- 外圈距離: 5.9公里
- 路線: 天耀路 > 屏廈路 > 天瑞徑 (河邊步道) > 天華路 > 天龍路 > 天城路 > 天湖路 > 天耀路
筆者無能力可以住晒上邊咁多個區，各位街坊如發現錯漏請多多指正，亦歡迎大家提供自家跑步路線，可電郵至[email protected]。
參考: thinkhk
蝦里
去去，武器走！