粉嶺街坊 Man Y Hui 提供粉嶺區內路線。路線繞圍馬適路及北區公園，一圈約4.2公里，唔夠喉都可以跑入北區公園緩跑徑 jog 多兩圈 (緩跑徑全長333米)。
路線雖然係沿馬路而跑，不過粉嶺法院、北區公園，甚至係馬適路都唔算人多，特別係疫情之下往返羅湖人士少咗好多，更加可以體會呢一區嘅寧靜。
----- 廣告 Ad -----
粉嶺跑一圈
圖: 康文署
- 路線: 北區政府合署 > 北區公園 > 馬適路 > 美景新邨 > 綠悠軒 > 聯和墟體育館 > 北區政府合署 (一圈，可隨意選擇起點終點)
- 距離: 約4.2公里
- 補給: 北區公園、聯和墟體育館飲水機 (疫情期間飲水機暫停服務)、沿路商場商店
- 注意:
- 要過馬路，請遵守交通規則
- 如有單車徑，請跑上行人路
- 途經地下行人隧道
街坊怒跑團 搜羅全港各區特色跑步路線，歡迎各方提供資料或簡單如 GPX 檔案，歡迎 PM、DM 或電郵至 info@fitz.hk。(歡迎街坊留言提供路線最新情況)
Fitz 編輯部
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。