敦煌名勝月牙泉
（鍾景輝Tone）「敦煌係唐代絲綢之路嘅重鎮，當年嘅商人僧侶，就沿住河西走廊，去到敦煌…….」
仲講呢啲？一句到尾，甘肅旅遊名城敦煌，暫定於10月11日舉行首次正式馬拉松比賽，賽事分全馬、半馬以及十公里賽。據內地網站愛燃燒報道，呢個比賽係第一次列入全國賽事名單，路線、安排等暫時未有公佈。
根據攜程網資料，香港暫時並無客機直飛敦煌，大家可以搭東方航空喺西安轉機前往，成個機程超過26小時（包括轉機時間），不過西域風景壯麗，可以喺度跑馬拉松，諗起都興奮。
----- 廣告 Ad -----
Sophia
平日打字多過行路，鍾意鍵盤多過跑鞋。成為跑手，全因古語有云：「女仔唔跑邊會靚？」
