之前寫過一個帖「從0到42.195 – 「起機」十五招」，裡面有一招叫「我為秋香」。意思是對於一眾巴打來說，媾女是一股強大推動力。想開始跑步，可以參加跑步團或訓練班。
由於跑步女生是最美麗的，所以你一定會找到你的『秋香』。因為她，你會day day 跑，更不會缺席任何一堂訓練課。你渴望成為一個更強﹑更快的跑手去吸引她的注意。但要謹記媾女只是a mean，不是an end。媾女只是a mean to an end (令你開始跑步)。所以媾唔媾到女，不重要同無所謂。
此帖寫於奧運前，當時身邊毒L睇完就算。直到最近奧運，見識到東方維納斯女神和正到令叔叔不行的Yvette，再加上一本潮流雜誌大力吹捧運動女生有多正。霋時間，毒L們好想結識愛運動的女生。
江忞懿
----- 廣告 Ad -----
跑步是時下最潮的運動，參與人數與日俱增，特別是女孩子。路賽山賽幾千名額經常被秒殺， 報名當中不乏樣靚身材正的港跑女 (問龍友啦!) 所以，跑步這運動能令你結識到心儀對象的機會大大提高。還有，我認識的愛跑步女孩都像鎧淳美人魚一樣談吐大方得體，很少像那些開口埋口都叫人去食屎的MK妹或講咩都會『嘢』咗先的港女。
這是好消息。壞消息是咁正嘅女生，全已mark突，排隊都未輪到毒L你啦。毒L話: 「畀少少希望可唔可以? 唔好一嘢就打殘人地好唔好?」
毒L話不如從公司出發，公司有running group。由於是靚女帶跑，吸引不少女同事參加。但我對這個諗法有保留，識女仔有一潛規則，就是you don’t pee where you eat。雖然公司大，有幾千員工。但衰起上嚟有條路，偏偏係散咗 (不論誰撇誰) 之後就會在公事上好多合作，隔日就見，死未! 我怕毒L你handle唔到。
不要灰心，這世界是充滿希望的。每天晚上港九新界都有跑步活動進行，有各大運動用品品牌舉辦的、有團跑、有地區跑步組織的例操、有跑步班，夠薑嘅話就全部報哂佢。正如蘇格拉底話，要摘到一棵最大最好的麥穗，都要個麥田夠大先得架。
不過，講到最後，還是要看緣份。
----- 廣告 Ad -----
我只參加過一個逢星期三輪流在九龍同港島區舉行的團跑活動。第一二次去的時候，我好似登上挪亞方舟一樣，極目一望，鐘樓下百幾跑友大部分都是一雙一對的。Lone丁的我倒沒所謂，因為我都沒打算在這裡認識女孩子。
世事往往就是這樣玩嘢，就在我最不在意時，竟遇上一個令我好難專心跑步的她。毒L問:「咁你係唔係用『性癲奴』45度最強兵器去搭嗲結識佢，媾唔媾到先?」
其實媾女同跑馬拉松一樣，過程比結果更重要。PB完走固然高興，但令你最回味可能是之前半年的艱苦訓練。又不是參加奧運，『鳩練』有咩所謂!
在媾的過程中，我喜歡自己全心全意地去只做一件事。心無旁騖，只有一個她。
更多：
Fitz.hk Facebook專頁
我最喜愛的二十個Nike跑步廣告
一個「廢青」跑出全世界的故事
我的十大外國名人跑步女神
我的十大電影、電視劇及紀錄片中的跑步男神
[院友話我們最幸福] 跑步幸福指數
Yiu Kwong Chan＠Fitz.hk
Fitz Running 跑步
本文屬作者意見，不代表Fitz立場。
