[香港三大全馬之一] 皇者之戰馬拉松

細心睇後面條banner，呢個比賽2014年都仲叫做城門河皇者之戰。

嚟緊星期日（12月13日）喺馬鞍山舉行嘅皇者之戰馬拉松，係繼最最最廣為人知嘅渣打馬拉松，以及歷史最悠久嘅中國沿岸馬拉松之外，香港三個全馬賽事之一。

皇者之戰以前叫「城門河皇者之戰」，多咗個冠名贊助就改咗名。不過咁都啱，因為唔係全段賽道都係沿城門河，有一大段其實都係跑吐露港。

而且，皇者之戰喺三項賽事入面，門檻算係最高。佢要三年內達到4小時45分嘅成績，先可以參加全馬賽事。不過呢個時間，對好多跑友都唔算係乜，所以報名情況湧躍，亦順理成章成為渣馬前嘅熱身賽。

2015年賽事資料：
日期：12月13日
時間：6:30開始
組別：全馬(名額1000)、半馬(2000名)、10K(1200名)
起點：雙子橋(全馬)、馬鞍山運動場(其他組別)
報名費：$240 (全馬及半馬)、$160 (其他組別) (現已額滿)
主辦單位網站：https://www.winwinrun.com

路線：
全馬
雙子橋 > 馬鞍山海濱長廊 > 海典居(折返) > 馬鞍山海濱長廊 > 雙子橋 > 沙田馬場 > 文化博物館 (折返) > 沙田馬場 > 雙子橋 > 大埔海濱公園 (折返) > 雙子橋 > 馬鞍山海濱長廊 > 海典居(折返) > 馬鞍山運動場

----- 廣告 Ad -----