因疫情停辦兩年的「香港街馬」，定於2023年12月17日舉行。大會暫時只發佈有限資訊，不過披露將會舉行全馬項目，話係「首推真正環維港跑嘅全程馬拉松」。
香港街馬點樣環維港?
「2020香港街馬」係第一次街馬跨海比賽，全長32.195公里。到2021年佢哋計劃跑多10公里，延長路線至42.195公里「真．馬拉松」:
天后東區走廊東行 (近維多利中心0 起步 > 經中環灣仔繞道、至中環折返 > 上東區走廊延伸至筲箕灣 > 再穿越東區海底隧道 > 觀塘繞道 > 跑經觀塘工業、商業及九龍灣住宅區 > 再延伸至啟德隧道南面管道及東九龍走廊 > 以土瓜灣新山道為終點
----- 廣告 Ad -----
路線圖係2020年39.195公里項目。呢條路線應該係有今生無來世。
不過當年遇正疫情，實體賽變虛擬跑，令「香港街馬」未嘗一試「真．全馬」。至於今年佢哋點樣做到「真正環維港跑嘅全程馬拉松」，大家就拭目以待。
香港嘅全馬賽事少之又少 (中國海岸馬拉松未知會否重生)，有得跑點都歡迎。另外大會聲稱10公里賽事推出全新路線，將會「跑一條首次開放搞跑步活動嘅大橋隧道」，有人估計為將藍隧道及跨灣大橋，大家拭目以待。
蝦里
去去，武器走！
