[郁民轉載] 歐鎧淳: 我的最後一場水

按：這一夜，奧運游泳場館成為全球焦點。孫楊失準，皇位不保；菲比斯「痛失」金牌，被佢嘅新加坡小粉絲擊敗。而對香港人嚟講，當然係歷史性參加游泳接力賽。

而呢場比賽對歐鎧淳嚟講更有意思，因為係佢運動員生涯最後一場比賽。喺佢嘅Facebook專頁，亦記載咗佢呢次比賽嘅心情，佢話：「原來比賽可以咁開心」。

在此祝願歐鎧淳離開游泳之後，仍有開心嘅生活！

好耐冇笑住熱身, 笑住入call room, 笑住比賽，原來比賽可以咁開心，未見到時間成績，都已經可以答你「好滿意」。估唔到我嘅最後一場水，終於俾返我最初落泳池嘅感覺。就係咁單純嘅快樂，我遺忘咗十年⋯⋯

----- 廣告 Ad -----

多謝我嘅隊友努力爭取到嚟奧運嘅資格，從而多咗記者到泳館現場採訪，令更多香港市民留意游泳項目。變相有更多越洋嘅支持同鼓勵，令我可以將拉車嘅阻力想像為香港人俾我嘅推動力。呢個旅程真係唔簡單。漫漫長路行到呢一步，夫復何求。

Note to self: Always wear a smile. The gift of life will then be yours to give. ‪#‎peaceout‬✌

由港九新界，以至地球每個角落，為你搜羅郁民好料，一一呈現大家面前。