其實寧海越野已經去到第10屆，作為單獨一個賽都算係有番咁上下歷史。今年2月左右突然宣布join左 UTMB World Series 陣營，成了內地首個系列賽，而且還提供了一個“候補報名”的機會吸更多的客。有石仔儲，對一眾想要石既香港B友而言，應該除左 TransLantau 之外最低旅費成本之選。因檢疫緣故，今屆仍沒有開放居國外外國人報名，所以變成了國家隊全明星賽。
以前搞成點我唔知，只講眼前。今次選擇了快閃參賽mode，星期五高鐵去，星期日走，那就是玩60公里賽好了。既然寧海越野得 UTMB series，總部應該會有不少規定，包括硬件設計繼承了大部分外觀，軟件都見融入了不少，文化底蘊呢…還是給點時間。
賽道環境，都是典型南中國的地型，即係點? 同香港大部份都相似地型，沿道幾乎都想得出跟香港的那兒似曾相識的。梧桐寨feel，大欖feel，雞公山feel都有。不同的是90%天然，人工成份低好多。
氣候呢? 今次有點熱及濕，賽前兩天落雨，道中爛泥路不少，如果怕踩濕泥會幾困擾。
----- 廣告 Ad -----
我玩CHN60，總攀升只2348m，屬偏少，幅度密度也很友善。上坡急落坡緩，造就一個好跑得既高速賽道。茶園，竹林，群山環繞，典型江南山景，算幾怡人。不過今次自己想比賽mode，就忽略周圍風景了。
配套
內地山賽以往太多可怕故事，原因在主辦者的良莠不齊，今次有 UTMB 加持，不是 marketing 咁簡單，而是實質的水平提升。玩實體賽最起碼講 “路標” “伙食” “人手”。路標勁清晰，伙食充足，仲非常疊馬，包括道上義工及救援團隊等，具 UTMB 應有水平，OK! 若同總決賽既法國 Chamonix 比，都做到7-8成左右。
交通
我選西九龍高鐵深圳北再轉動車去寧海，成本最平時間亦合適。另有港人選擇飛機去寧波/杭州/上海等地再轉高鐵動車或出租車去寧海。
總結
寧海越野比賽event水準不錯，過程感覺安全，大會同縣政府都全力投入 (唔似某政府連封20分鐘一條大尾篤路仔都唔比，造就奇觀)。賽事報名價錢平，深圳北高鐵可直到，旅費相宜。賽道相對簡單，對港人而言氣候及地理環境會很易習慣，如想透過寧海越野拿石，或感受一下 UTMB 系列賽而言，是不錯的選擇。
----- 廣告 Ad -----
寧海越野2023 by UTMB
比賽日期: 4月14日至16日
地點: 浙江省寧波市寧海縣
項目: 105公里、60公里、25公里和12公里
規模: 約4500人
