今年樂施毅行者宣傳大使黃浩然，早在20多年前便首次挑戰樂施毅行者。闊別多年，浩然今年選擇再次挑戰100公里，但心境以及目標已截然不同。其餘三位隊友皆屬猛將級，包括兩位資深毅行者及健身教練 Lawrence Wong「黃師傅」(隊伍編號 0084)，會否因此感到壓力呢? 浩然聞言笑稱並不會，指兩位隊友均很隨和，也很體諒他；至於黃師傅，作為教練，更是不斷給予提點並陪伴他一起訓練:「有佢哋傍住我反而仲輕鬆!」
耐力運動中的「留力哲學」
為了克服「衝動易攰」的弱點，黃師傅為浩然量身定制了「留力哲學」訓練：透過心率監測配速。黃師傅分享他的毅行心得:「做耐力運動嚟講，點樣留前鬥後係好重要嘅。唔係所有路段都要衝刺，識得喺適當時候回氣，先能夠行得更遠。」
----- 廣告 Ad -----
人生很短，試了再算
「毅行前兩個月先開波操第一次? 得唔得㗎?」由於工作繁忙，浩然直至9月才進行第一次正式針對毅行者的訓練。雖然身邊人都為他稍感擔心，他卻沒有第一時間否定自我。在進行了幾次訓練後，他很快重拾節奏。「周圍都有唔少人問我究竟係咪真係掂，其實我都唔知㗎！但人生咁短，梗係乜都試吓啦，可能得呢! 總之唔試就一定唔得。」他笑說。
20多年前4個剛滿18歲的「柴娃娃」只因其中有人突發奇想，便有了人生第一次毅行。「當時第一個 check point 咋，其中一個隊友就踢爆腳趾公!」浩然回憶道。20多年後再挑戰樂施毅行者，相同的路，不同的心境: 這一次不為名次，只為籌款及突破自我。他感嘆，人到中年，仍然希望能挑戰完成不同目標，所以當收到黃師傅的組隊邀請時，他毫不猶豫便答應了。
「當年係貪玩，諗住行到幾多得幾多；今次身份好唔同，作為活動宣傳大使去行特別有意義，更加清楚認知到每一步都為貧窮人而行。」浩然有感而發。
四人組隊，團隊為重，體現毅行精神
一個人參與比賽，一切只關乎自身——速度、節奏，但毅行者精神在於四個人齊心協力，沿途歷經重重考驗，邁向終點。「最緊要係衝線張相要齊人!」浩然笑說。黃師傅憶述之前唯一一次因傷退賽，之後說道：「當你同隊友一齊行，要考慮嘅就唔只係自己，仲要諗點樣同隊友一齊行到最後。」
浩然強調：「今次參加毅行，我更加深刻咁認知到活動嘅本質，我哋唔只係對自己負責，仲要對隊友負責，亦係對所有背後捐款支持我哋嘅人負責。」
樂施毅行者2025
活動日期: 11月28日至30日 (星期五至日)
詳情: 樂施毅行者網頁
