[Road to Ironman] 生仔姑娘醉酒佬.......仲有三鐵L!

雷彬冶文 2016-09-28

road-to-ironman-%e7%94%9f%e4%bb%94%e5%a7%91%e5%a8%98%e9%86%89%e9%85%92%e4%bd%ac-%e4%bb%b2%e6%9c%89%e4%b8%89%e9%90%b5lf
有無聽過一句廣東俚語？生仔姑娘醉酒佬！意思係兩者都好X辛X苦！下次咪X搞！

我家主席生我家太上主席時，我親耳喺待產房聽過位準媽媽痛到大叫 : ” X你老母好能柒痛呀！我下次唔西柒生嘞，仆你老味個 X 街！” ，至於醉酒佬更加唔使講，飲大咗第二朝嗰種五內翻騰黃膽水直標法簡直罄竹難書比死更難受，所以同樣係一邊飲住薑茶解酒 ( 或者還魂酒！ ) 一邊滴住汗標住眼水話 ” 頂你個肺，下次咪能製！” ，誓估唔到，原來玩三鐵都一那樣！

鏡頭迴轉穿越翻到台東活水湖傍，113 比賽路跑終點，一眾院友 ( 自從台東比賽之後，我哋喺溝通群組裡面都以院友相稱，原因？不言而喻 ………！) 在等待最後兩位隊員衝線，經過整整 113 公里勞累折騰之後，其實大伙早已非常疲憊各自軟癱喺草地上，各自吹水 ……..

” 好很倦 ………. 我對腳唔那見咗，去咗邊？”

” 仆街，我抽咗三次筋，抽完小腿抽大腿，冚家祥之後再抽番大腿！慘過俾人抽水！”

” 我即很情倦到完全唔郁得！一陣邊個好心抬我番去酒店，我出五百台幣！”

----- 廣告 Ad -----

” 挑！五百台幣，揾鬼睬你，留番扶靈吖笨！嘿嘿！”

” 我落咗單車之後，諗住平安大吉啦，頂，點知胃抽筋，仲要抽完又抽，痛那到我要喺路邊喊完一輪先再跑，下次真係咪搞我！”

” 嘩！仲有下次？咁 Q 辛苦嘅嘢，一世人玩一次乜 X 都夠啦吓話？我下次要去豪華遊好過！”

” 講真你又講得幾真！我直情短期內都唔想坐上㗎單車度！”

” 我直情行路都唔想，未來超過兩個路口都決定打的！唔那行！”

----- 廣告 Ad -----

………………………

road-ironman-%e7%94%9f%e4%bb%94%e5%a7%91%e5%a8%98%e9%86%89%e9%85%92%e4%bd%ac-%e4%bb%b2%e6%9c%89%e4%b8%89%e9%90%b5-l-4 24 小時之後，回程路上 ………, 唔知邊位好事之徒話 ,

” 其實 ……… 練咗咁耐，唔再玩，有斗零浪費嘿嘿！”

” 咁又其實 ……… 都好似有少少道理 ….. 呵呵 !”

” 咁又真係其實 ………. 又幾鬼好玩嘻嘻！”

大伙，各自躊躇，苦思，暗笑！

48 小時之後，香港，院友 whatsapp 溝通群組內 …… ,

教主見大家姣婆根本守唔住寡，作為院長乾脆振臂一呼當頭棒喝話 :

” 妖，反正係打，直情打真正 Ironman 啦笨！”

吓？乜我哋唔係玩完 Ironman 嘞咩？可以想像得到教主以冷峻嘅眼神，睿智嘅目光橫空一望，再氣定神閒向一眾院友訓示，

----- 廣告 Ad -----

road-ironman-%e7%94%9f%e4%bb%94%e5%a7%91%e5%a8%98%e9%86%89%e9%85%92%e4%bd%ac-%e4%bb%b2%e6%9c%89%e4%b8%89%e9%90%b5-l-3 嚴格嚟講，我哋平時所謂嘅鐵人三項 ( Triathlon ) 應該稱為三項運動，而真正嘅鐵人三項( IRONMAN Triathlon )指嘅係 ( World Triathlon Corporation ) WTC 所舉辦嘅比賽。大中華地區喺推廣呢項運動之初，美麗地誤用「鐵人三項」，慢慢地引起一股「鐵人」風潮。「鐵人三項」已經使用二十多年，但大家需要了解嘅係，從事鐵人三項運動選手都稱為三項運動員 ( Triathlete )，但唯有完成 WTC 所舉辦比賽如 IRONMAN 或 IRONMAN 70.3，你才可以被稱為「鐵人」( IRONMAN )！因為IRONMAN是WTC的註冊商標，WTC在鐵人三項運動領域裡代表嘅係一種對競賽品質的堅持！而當然賽程嚴謹好多，過程亦辛苦好多！