自己垃圾自己揼

這兩天，Fitz轉載了Trailwatch的文章，指香港郊野正被垃圾佔領。或許香港的垃圾桶設置太完善，不少人以為無論任時任地，揼垃圾都應該有垃圾桶在左右。而任何地方，無論幾百呎的高山，還是鳥無人煙荒野，一有垃圾，就有想揼的衝動，覺得拿著垃圾是不正常。令郊外地方，無論有否垃圾桶，都容易看到垃圾處處。

多年前小弟由伯公坳上鳳凰山，行到氣來氣喘之際，見到一群日本人，人人手執膠袋，沿途收拾山徑上的垃圾。閒談間他們跟我說：「我哋忍受唔到呢條咁靚嘅山徑被垃圾，就每個禮拜約埋班朋友，一路行山，一路執垃圾囉。」

作為香港人，我極為羞愧，我們對不住香港的山野，更枉稱自己熱愛行山。

今日讀到明報一篇報道，說佔中醫療隊嘅歐耀佳醫生，一路跑全馬，一路拎住垃圾膠袋執垃圾，佢就是說忍受唔不到賽道垃圾處處，幫手清潔一下。

無論歐耀佳醫生，以至鳳凰山的日本人，都提醒我們自己垃圾要自己揼。下次街跑或跑山，食完power gel，飲完的水杯，麻煩拿多幾公里，到放垃圾的地方處理掉，好嗎？

（圖：香港運動攝影協會、明報）