台灣的山難救援演習
香港所謂「山難」，好多時都源於行山客嘅疏忽與大意，唔係事前無準備/帶唔夠裝備，就係唔識路玩探險，再唔係就係一時逞強。每次睇到呢啲新聞，見到消防員要冒險上山救人嘅時候，大家不期然希望有關方面遵從「用者自付」嘅原則，向胡亂使用救援嘅行山人士徵收救援費。
美國山徑的告示，提醒遊客唔好做蠢事
美國Stupid Hiker Law被逼撤回
救援費呢類政策，香港鄰近地區都有推行。喺中國大陸雖然並非成文法例，但大多數時間，市民召喚 一次救援車，入一次醫院，都係「相金先惠」。台灣政府對於無登山證、或在惡劣天氣登山者，遇難而需要救援嘅民眾，都有明碼實價嘅收費。(試過有人打風期間行山遇難，結果被救後政府徵收過百萬港元)
----- 廣告 Ad -----
台灣「比基尼登山客」Gigi Wu 吳季芸，今年1月南投縣盆駒山附近墜谷，打衛星電話求救43小時後，被發現凍死。當局表示，沒有收到死者的「入山申請」，也引起登山管制、搜救費用等討論。相關報導
2018年，美國鳳凰城有議員發現，該地每年大概250宗登山拯救個案裏面，為數不少係登山人士犯咗一啲「愚蠢」嘅錯誤，例如帶唔夠水 (鳳凰城所在嘅亞利桑那州係沙漠地區)。於是，呢位議員就草議一條俗稱「Stupid Hiker Law」嘅議案，希望成為法例，令呢啲「愚蠢」行為得到教訓。建議一出，民眾十分支持，呢位議員亦人氣大升。
電視台的民意調查
不過，政府方面十分反對呢條法例。負責救援嘅部門恐怕法例實行後，難以介定被救援者係咪「愚蠢」，令政府惹上大量訴訟。喺呢個情況之下，呢位議員唯有放棄立法工作。
付費救援大勢所趨
縱使 Stupid Hiker Law 遭到挫敗，但不少人認同登山救援確實有濫用情況，而政府當局亦希望可控制有關開支。但是，在重視人命的文明社會裏，往往要犧牲政府而保障人命安全。
資料來源: KIZZ
Fitz連結: https://fitz.hk/?p=125838
----- 廣告 Ad -----
